arxiv
Qaradağ rayonunun Səngəçal qəsəbəsi sakinləri yanvarın 18-də Bakı-Astara magistral yolunu bağlayıblar.
Aksiya iştirakçıları ərazidə yolüstü piyada keçidinin salınmasını tələb edirlər.
“Bu yolda hər həftə qəza baş verir. Magistral yolda sürət yüksəkdir, yolu keçənlər qəzalara qurban olurlar. Dəfələrlə Rayon İcra Hakimiyyətinə müraciət etmişik, ancaq bizi dinləyən yoxdur”, - aksiya iştirakçılarından biri “Azadlıq” radiosuna bildirib.
Aksiya nəticəsində yolda uzun tıxac yaranıb. Yol polisinin müdaxiləsindən sonra hərəkət bərpa edilib.
Baş Dövlət Yol Polis İdarəsinin ictimaiyyətlə əlaqələr şöbəsinin rəisi Kamran Əliyev sakinlərin yerüstü keçidin tikilməsini tələb etdiklərini təsdiqləyib.
“Üç gün öncə Səngəçal qəsəbəsi ərazisində 9 yaşlı oğlanı maşın vurub. Uşaq aldığı xəsarətlərdən hadisə yerində ölüb. Bu gün isə qəsəbə sakinləri həmin hadisə ilə bağlı toplaşıblar. Onlar ərazidə yerüstü piyada keçidinin tikilməsini tələb ediblər. Sakinlərin toplaşması bir müddət yol hərəkətinə mane olub”, - K.Əliyev bildirib.
Qaradağ Rayon İcra Hakimiyyəti sakinlərin aksiyasını şərh etməyib.—0—
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz