Açiq mənbələrdən foto.
Bakı/03.10.22/Turan: Oktyabrın 2-də Dövlət Sərhəd Xidmətinin əməkdaşları İrandan Azərbaycana 26 kiloqram narkotik maddənin qaçaqmalçılıq yolu ilə keçirilməsinin qarşısını alıblar.
Oktyabrın 2-də gecə saat 3-də Füzuli rayonunun Bala Bəhmənli kəndi yaxınlığında sərhədçilər İran tərəfdən dövlət sərhədinin pozulması faktını qeydə alıblar.
Yerində axtarış zamanı içərisində 17,6 kiloqram narkotik maddənin (13 kiloqramdan çox heroin və 4 kiloqram metamfetamin) olduğu 2 bağlama aşkar edilib.
Həmin gün saat 11:00-da Beyləqan rayonunun Qazaxlar kəndi yaxınlığında İrandan digər qaçaqmalçılıq cəhdinin qarşısı alınıb. Sərhədçilər içində 8,3 kiloqram marixuana olan bağlama aşkar ediblər.
Faktlarla bağlı əməliyyat-istintaq tədbirləri davam etdir. 02D
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz