Açiq mənbələrdən foto.
Bakı/03.10.22/Turan: Azərbaycan Ermənistan qarşısında beş əsas tələb qoyur, bazar ertəsi “Haykakan Jamanak” qəzeti məlumatlı mənbələrə istinadən yazıb.
Qeyd edək ki, bu qəzetin redaktoru baş nazir Nikol Paşinyanın xanımı Anna Akopyandır.
Əsasən Bakı Dağlıq Qarabağ ordusunun buraxılmasını tələb edir; Dağlıq Qarabağın heç bir muxtariyyət olmadan Azərbaycanın tərkib hissəsi kimi tanınması; Ermənistan ərazisindən dəhliz verilməsi; sərhədin delimitasiya və demarkasiyasının 1919, 1920-ci illərin xəritələrinə əsasən aparılması (hansı xəritələrdən söhbət getdiyi məlum deyil); Birinci Qarabağ müharibəsi zamanı itkin düşən 4000 azərbaycanlının taleyi haqqında məlumat verilməsi qəzet bildirir.
Nəşr yaxın gələcəkdə Rusiya, ABŞ, İran və Avropa İttifaqının Ermənistandan nə istədiklərini açıqlayacağını vəd edir. 02D
Siyasət
-
Yanvarın 6-da Fransa prezidenti Emmanuel Makron səfirlərin konfransında çıxış edərək, Rusiyanın Ermənistanla «müttəfiqlik münasibətlərini dəyişdiyini» və «Dağlıq Qarabağda Azərbaycanı dəstəklədiyini» bildirib.
-
Bu gün Bakı Ağır Cinayətlər Məhkəməsində ictimai fəal Nicat İbrahimin cinayət işi üzrə məhkəmənin hazırlıq iclası başlayıb.
-
Həbsdə olan hüquq müdafiəçisi Rüfət Səfərovun anası Tahirə Tahirqızı yanvarın 6-da şahid qismində ifadə vermək üçün Bakı Şəhər Baş Polis İdarəsinə istintaqa çağırılıb. Ancaq o, ifadə verməkdən imtina edib. Bu barədə Turan-a Tahirqızı özü bildirib.
-
Yanvarın 29-da keçiriləcək bələdiyyə seçkilərində 16 min 174 namizəd qeydiyyata alınıb. Bu barədə Mərkəzi Seçki Komissiyasının sədri Məzahir Pənahov bugünkü iclasda bildirib.
Rəy yaz