Bakı/15.09.14/Turan Moskvanın “Demodedovo” aeroportundan Qəbələyə uçan sərnişin təyyarəsi Həştərxanda yerə enməli olub. Bu, xuliqanlıq səbəbindən baş verib.
İTAR-TASS Rusiya nəqliyyat polisinin Həştərxan bölməsinə istinadən bildirib ki, insident ötən gün axşam baş verib. “Müəyyən edilib ki, 1963-cü ildə anadan olmuş sərnişin xuliqanlıq hərəkətləri törədərək bort bələdçisinin üzünə zərbə vurub. O, nəqliyyat polisinin əməkdaşları tərəfindən saxlanılıb”, - bölmədən bildirilib.
“İnterfaks” dəqiqləşdirib ki, saxlanılan şəxs əslən azərbaycanlı olan Rusiya vətəndaşıdır.
Fakt üzrə yoxlama aparılır, saxlanılan şəxsin sərxoş vəziyyətdə olub-olmadığı müəyyən edilir.
Həştərxan avia qovşağındakı mənbənun məlumatına görə, insidentlə əlaqədar təyyarə yeddi saata yaxın yubanıb.
Cəmiyyət
-
Səhər saat 11:00-da paytaxtda güclü leysan yağmağa başlayıb və günün ikinci yarısına qədər davam edəcək, sinoptiklər bildiriblər.
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
Rəy yaz