Milli Şura türk şəhidlərin xatirəsini yad etdi

  Milli Şuranınn rəhbərliyi bazar günü Bakının daşnak-bolşevik işğalından azad olunmasının 96-cı ildönümü münasibətilə Şəhidlər Xiyabanında türk əsgərlərinin xatirəsinə ucaldılan abidəni ziyarət edərək əklillər qoyublar.

15 sentybar 1918-ci ildə Qafqaz İslam Ordusu Bakını “Daşnaksutyun” partiyasının və “Sentrokaspi diktaturası” hökumətinin eser-menşevik hərbi birliklərindən azad edib. Bunun sayəsində Azərbaycan əhalisinin təhlükəsizliyi təmin edilib və Azərbaycan Demokratik Respublikası (1918-20-ci illər) hökuməti paytaxta köçüb. 

Abidə Türkiyə hökuməti tərəfindən 1999-cu ildə açılıb. Burda qızıl suyuna çəkilmiş lövhələrdə Azərbaycanın azadlığı uğrunda şəhid olan 1130 türk döyüşçüsünün adları yazılıb.

Bakının azad edilməsi Azərbaycan Demokratik Respublikası hökumətinin Bakıya köçməsinə və demokratik dövlət quruculuğu üzrə tam miqyaslı işlər başlamağa imkan verib, deyə MŞ sədri, professor Cəmil Həsənli qeyd edib və türk və Azərbaycan hərbi hissələrinin sıx əlaqəsini vurğulayıb.

AXCP sədri Əli Kərimlinin fikrincə, bu hadisələr  «bir millət, iki dövlət» tezisinin əsaslı olduğunu nümayiş etdirir. «Demokratik Respublikanın köməyinə sultan Türkiyəsi gəlib, bu isə onu göstərir ki, iki xalqın birliyi siyasi sistem və hökumətlərdən yüksəkdə durur», deyə Kərimli qeyd edib.—0—