azadliq
Milli Şura Azərbaycandakı situasiyanı repressiv kimi qiymətləndirir
Azərbaycan Demokratik Qüvvələrinin Milli Şurası bazar günü planlaşdırılan sessiyasını keçirərək ölkədaxili siyasi situasiyanı, həmçinin Ukrayna ətrafında baş verən hadisələrin törətdiyi geosiyasi tendensiyaları müzakirə edib.
DQMŞ sədri Cəmil Həsənli qeyd edib ki, yayın son aylarını repressiv kimi qiymətləndirmək olar. «Vahid siyasi məhbus siyahısında 107 nəfər var, onlardan 9-u Siyasi Şuranın üzvüdür», - deyə o qeyd edib.
C.Həsənlinin fikrincə, hakimiyyət vacib hadisə – 2015-ci ilin parlament seçkiləri və Bakıda keçiriləcək Avropa Olimpiya Oyunları ərəfəsində demokratik qüvvələri zəiflətmək istəyir.
AXCP sədri Əli Kərimli isə bildirib ki, bu siyasətin nəticəsi olan repressiyalara baxmayaraq, demokratik qüvvələr sınmadığını və mübarizəni davam etdirdiyini göstərdi.
O, qeyd edib ki, repressiyalar əks effekt verib, Milli Şuraya üzvlüklə bağlı çoxsaylı müraciətlər də bunu sübut edir.
Sessiyada DQMŞ-a tanınmış ictimai xadimlər, o cümlədən iqtisadçılar, hüquqşunaslar, jurnalistlər, hüquq müdafiəçiləri üzv qəbul edilib: Məlahət Nəsibova, Vahid Məhərrəmli, Məhəmməd Talıblı, İsa Sadıqov, Qənimət Zahid, Yalçın Qəhrəmanlı, Azad Gümdür (o həm də Malik Rzayevdi), Fəxrəddin Mehdiyev.
Ukrayna ətrafında situasiyaya toxunan Milli Şura üzvü İbrahim İbrahimli NATO sammitinin yekunlarına diqqəti çəkib. Onun fikrincə, alyansın Rusiyanın təcavüzünə qarşı artan müqavimət qətiyyəti Ukrayna islahatlarının tam qələbəsi və bütün postsovet məkanında demokratik proseslərin fəallaşması üçün zəmin yaradacaq.
Sessiyada DQMŞ-nın ölkədəki situasiya ilə bağlı Azərbaycan xalqına müraciətinin layihəsi müzakirə olunub. Müraciət təklif və əlavələr ediləndən sonra açıqlanacaq.—0—
Siyasət
-
Azərbaycan Prezidenti İlham Əliyev Çex Respublikasının Milli Bayramı münasibətilə Çexiya Prezidenti Petr Pavelə təbrik məktubu göndərib. Məktubda Prezident Əliyev öz adından və Azərbaycan xalqı adından səmimi arzularını çatdıraraq Çexiya liderinə və xalqa ən xoş təbriklərini və arzularını ifadə edib.
-
Bakı Apellyasiya Məhkəməsi Azərbaycan Xalq Cəbhəsi Partiyasının fəalı Tehran Abdullayevin narkotik maddə istifadəsi ilə bağlı inzibati həbsini qüvvədə saxlayıb.
-
Gürcüstanda keçirilən parlament seçkilərində hakim Gürcü Arzusu Partiyası erməni və azərbaycanlı əhalinin sıx olduğu rayonlarda çoxluq qazanıb: Axalkalaki – 88 faiz, Ninotsminda – 90 faiz, Marneuli – 80 faiz, Bolnisi – 81 faiz, Tetritskaro – 68,6 faiz, Dmanisi – 76,4 faiz, Tsalka – 69,3 faiz və Qardabani – 70,8 faiz. Marneulidə bülletenlərin atılmasına dair kadrlar Gürcüstanda və onun hüdudlarından kənrda sosial şəbəkələrdə geniş yayılıb. Gürcü Arzusu milli azlıqların az olduğu Tbilisidə uduzub.
-
ABŞ və avropalı müttəfiqlər müşahidəçilərin Gürcüstanda seçki pozuntuları ilə bağlı xəbərləri tam araşdırmaq çağırışlarına qoşulublar, Turan-ın Vaşinqton müxbiri bildirib.
Rəy yaz