Bakı/17.09.19/Turan: Çərşənbə axşamı səhər saatlarında Bakı metrosunun qatarı "Ulduz" və "Nərimanov" stansiyaları arasında 7 dəqiqə dayanıb. "Nərimanov" stansiyasına çatdıqdan sonra vaqonların qapıları bir neçə dəqiqə açılmayıb. Nəticədə bir neçə sərnişin havasızlıqdan huşunu itirib. Onlara tibbi yardım göstərilib.
Bu qatarın gecikməsi ilə əlaqədar digər qatarların hərəkət rejimi də pozulub.
"Bakmetropoliten"in mətbuat xidmətinin məlumatına görə, fasilələr sərnişinlərin içəriyə keçməyə çalışarkən qapıları tutması səbəbindən yaranıb. Qapıların tutulması idarəetmə sisteminin və vaqonlarda işıqların sönməsinə gətirib çıxarıb. Bir qədər sonra problem aradan qaldırılıb.
Sərnişinlərin metrolara kəskin axını tədris ilinin başlaması ilə bağlıdır.
Qatarların hərəkət tezliyi artırılsa da, metropoliten insan axınının öhdəsindən gələ bilmir. -02D-
Cəmiyyət
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
Rəy yaz