Noyabrın 1-də Qafqaz Müsəlmanları İdarəsinin (QMİ) sədri, seyxülislam Hacı Allahşükür Paşazadə Azərbaycanda əsirlikdə olan Ermənistan Silahlı Qüvvələrinin əsgəri Akop İnciqulyanla görüşüb. Görüşdə Rus Pravoslav Kilsəsinin Bakı və Azərbaycan Yeparxiyasının arxiyepiskopu Aleksandr İşein, Azərbaycandakı Dağ Yəhudiləri İcmasının rəhbəri Melik Yevdayev və Bakıdakı Katolik İcmasının rəhbəri Vladimir Fekete də iştirak edib.
Ermənistan Silahlı Qüvvələrinin hərbçisi bu ilin avqustunda Azərbaycanın işğal altında olan Ağdam rayonunda qoşunların təmas xəttindən Azərbaycan tərəfinə keçib və təslim olub.
QMİ-nin məlumatına görə, A.Paşazadə erməni katolikosu II Qareginin xahişi ilə erməni əsir ilə görüşüb.
Şeyxülislam hərbi əsirin saxlanma şəraiti, səhhəti ilə maraqlanıb. Əsir Azərbaycan tərəfə özünün keçdiyini və təzyiqlərə məruz qalmadığını bildirib.
İnciqulyan üçüncü ölkəyə göndərilməsi ilə bağlı Azərbaycan hökumətinə müraciət edib.
Xatırladaq ki, bu, QMİ sədrinin Məkkədə prezident seçkiləri ilə bağlı məntəqə yaradılmasına nail olmasından sonra ikinci böyük sərgüzəştidir. Belə ki, şeyxülislam indiyədək hətta həbsdə işgəncələrə məruz qaldığını iddia edən dindarlar və müxalifət fəalları ilə görüşməyib. Məscidlərin bağlanması və sökülməsi ilə bağlı müraciətləri də cavabsız buraxıb.
QMİ bu günlərdə narkotik maddə ittihamı ilə həbs edilmiş ilahiyyatçı alim Tale Bağırzadənin həbsinə də hələ münasibət bildirməyib.
QMİ erməni əsir ilə görüşün iki ölkə dini liderinin əsirlərə qarşılıqlı yardım haqqında imzaladığı bəyannaməyə əsasən baş tutduğunu bildirir. Amma bu idarənin Qafqazın bütün müsəlmanları qarşısında nizamnamə və mənəvi öhdəliyi də var. -03B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz