![Şirinbacı Rzayeva YAP sıralarındakı sadə vətəndaşları kütləvi istefaya çağırdı](https://turan.az/resized/media/2012/main/090400009871-750-500-resize.webp)
Şirinbacı Rzayeva YAP sıralarındakı sadə vətəndaşları kütləvi istefaya çağırdı
Məhbus İlqar Rzayevin Hüquqlarını Müdafiə Komitəsi çərşənbə axşamı RATİ-də mətbuat konfransı keçirib.
Komitə sədri Cəmil Hacıyev İlqar Rzayevin həbsini, ona qarşı narkotik ittihamını əsassız, qərəzli və hakimiyyətin sifarişi adlandırıb. Həbsin əsas səbəbi kimi Bakıdakı Mirzağa Əliyev küçəsində evlərinin bu ilin martında dağıdılmasına qarşı çıxmasını, vətəndaş mövqeyi nümayiş etdirməsi göstərilib. İ.Rzayevin anası Şirinbacı Rzayevanın İctimai Palatanın 22 aprel mitinqində hakimiyyətin ünvanına kəskin çıxışı da İ.Rzayevin həbsinə olan səbəblər sırasında göstərilib. İ.Rzayev evlərinin sökülməsilə bağlı İ.Rzayevin “Vaşinqton Post” qəzetinə kəskin açıqlaması da həbs məsələsində əsaslardan biri olub. “Bütün bu faktlar göstərir ki, İ.Rzayev hər-hansı cinayətə görə yox, fəal vətəndaş mövqeyi nümayiş etdirdiyinə görə həbsə alınıb”, - deyə C.Hacıyev qeyd edib.
Hüquqşünas Salman Əliyev Rzayevlər ailəsinin müxalifət partiyalarının üzvləri olduğunu deyərək, bu amili də İ.Rzayevin həbsinə səbəb kimi şərtləndirib. İ.Rzayevin narkotik ittihamı ilə həbsə alınması “uydurma və saxta cinayət” işi kimi dəyərləndirib, hakimin sübut olmasına baxmayaraq, İ.Rzayev barəsində iki il həbs qərarı çıxarması ölkə məhkəmələrinin müstəqil olmamasının göstəricisi sayılıb. Hüquq müdafiəçisi Rəsul Cəfərov İ.Rzayevin “Eurovision” müsabiqəsi ərəfəsində həbsə alınmasını əsas gətirərək, onu “Eurovision məhbusu” adlandırıb. İ.Rzyevin həbsilə bağlı sənədlərin yaxın günlərdə tərəfdaşı olduqları beynəlxalq qurumlara göndəriləcəyini bildirib.
İ.Rzayevin anası Ş.Rzayeva mülkiyyət hüquqlarını qoruduğuna görə oğlunun həbsə alındığını, özünün işdən azad edildiyini, evləri dağıdılsa da, kompensasiyanın verilmədiyini deyib. Ş.Rzayeva ailə üzvlərindən heç kimin işləmədiyini deyərək, hakimiyyəti bu ailəni məhvə düçar etməkdə ittiham edib. “Mən YAP sıralarındakı insanlara müraciət edirəm, bu partiya xalqa heç nə verməyib və vermir, odur ki, bu partiyanın sıralarını tərk edin”, - deyə siyasi bəyanat səsləndirib.
Müdafiə komitəsi İ.Rzayevin müdafiəsini gücləndirmək üçün ölkədəki diplomatik korpus nümayəndələrilə görüşlər keçirməyi, onun vicdan məhbusu statusu ala bilməsi üçün beynəlxalq qurumlarla işi gücləndirməyi nəzərdə tutur. İ.Rzayevin mülkiyyəti dağısa da, kompensasiya verilmədiyi üçün komitə Avropa Məhkəməsinə şikayət etməyi nəzərdə tutur.
İ.Rzayev 2012-ci ilin martında evlərinin sökülməsinə qarşı çıxıb, ictimai həyatda fəallıq göstərib, anası Ş.Rzayeva İP-nin 22 aprel mitinqində iqtidarın əleyhinə çıxıb, buna cavab olaraq İ.Rzayev mayın 11-də saxlanılıb, məhkəmə İ.Rzayevə 2 il həbs cəzası çıxarıb. -05C-
-
- Cəmiyyət
- 4 Sentyabr 2012 14:43
-
- İqtisadiyyat
- 4 Sentyabr 2012 15:09
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz