Siyasi məhbusların doğmaları dustaqlara lazımi tibbi yardımın göstərilməməsindən şikayətlənirlər
Баку/27.04.18/Turan: Həbsxanada saxlanılan bəzi fəalların səhhəti ilə bağlı problemləri var. Ancaq onlara ciddi tibbi yardım göstərilmir.
Bu barədə aprelin 26-da Məhbus Ailələrinin Koordinasiya Mərkəzi və Azərbaycan Ziyalılar Birliyinin təşkil etdiyi görüşdə bildirilib.
AXCP sədrinin müavini, həbsdə olan Fuad Qəhrəmanlının həyat yoldaşı Zümrüd Yağmur qeyd edib ki, Nardaran hadisələri ilə bağlı həbs olunanlar Şamil Abdullayev, Cabbar Cabbarov, jurnalist Əfqan Sadıqov, AXCP fəalı Elnur Fərəcovun vəziyyəti narahatlıq doğurur.
Ş.Abdullayev ağır vəziyyətdədir. Onun bir ayağı çox arıqlayıb və 10 sm. qısalıb. Bundan əlavə, onun bədənində iki güllə qalıb. Həmin güllələri 2015-ci il noyabrın 26-da Nardaranda keçirilmiş xüsusi əməliyyat zamanı alıb.
Hazırda o, Ədliyyə Nazirliyinin müalicə müəssisəsində saxlanılır, ancaq ona real tibbi yardım göstərilmir.
Qaraciyər xəstəliyindən əziyyət çəkən C.Cabbarov Qobustan xəstəxanasında saxlanılır. Kameranın tavanı tökülür.
E.Fərəcov onkoloji xəstəlikdən əziyyət çəkir. Onu vərəm xəstələrinin saxlandığı 3 saylı koloniyaya yerləşdiriblər. Vəziyyəti ilə bağlı doğmalarına məlumat verilmir.
Jurnalist Ə.Sadıqlının təzyiqi 200/100-dən aşağı enmir, onun da ayaqları şişib. Həyat yoldaşı bildirib.
Nardaran əməliyyatı zamanı yaralanan qəsəbə sakini Əbülfəz Bünyadov bildirib ki, onu xərəkdə məhkəməyə aparırlar. Doğmalarını onun yanına buraxmırlar.
Hüquq müdafiəçisi Oqtay Gülalyev deyib ki, ömürlük həbs cəzası almış xüsusi təyinatlı polis dəstəsinin üzvü Elçin Əmiraslanov müalicə olunmadığına görə aclıq elan edib.
Hüquq müdafiəçisi "Siyasi məhbuslar müalicə olunsun!" ictimai kampaniyasına başlanmasını təklif edib.
"Xural" qəzetinin redaktoru Əvəz Zeynallı təklif edib ki, hüquq müdafiəçiləri siyasi məhbusların ailə üzvləri ilə birlikdə həbsxanalara gedərək onlarla görüşlər təşkil etsinlər.
Görüşün yekunlarına əsasən Nigar Yaqublu, Eldəniz Quliyev, Zümrüd Yağmur, Əvəz Zeynallıdan ibarət qrup yaradılıb. Qrup beynəlxalq təşkilatlara və Penitensiar Xidmətə müracitət edərək xəstə məhbuslara effektiv tibbi yardımın göstərilməsini tələb edəcək.
Öz növbəsində Penitensiar Xidmətdən bildirilib ki, məbusların müalicəsi məsələsi ilə Ədliyyə Nazirliyinin Baş İdarəsi məşğul olur və lazımi tibbi yardım göstərir. Əgər ehtiyac yaranarsa onları müalicə müəssisəsinə göndərir.-06B--
Cəmiyyət
-
Sentyabrın 29-da Dövlət Təhlükəsizliyi Xidməti və Dövlət Sərhəd Xidmətinin birgə keçirdiyi əməliyyat tədbirləri nəticəsində külli miqdarda narkotik vasitənin ölkə ərazisinə keçirilməsinin qarşısı alınıb.
-
Çərşənbə axşamı paytaxtda hava dəyişkən olacaq. Axşama yaxın Abşeronda bəzi yerlərdə yağış yağacaq. Mülayim cənub-şərq küləyi əsəcək.
-
Bu gün, sentyabrın 30-da Strasburqda Avropa Şurası Parlament Assambleyası (AŞPA) sessiyası keçirilir. Orada müzakirələr oktyabrın 5-nə kimi davam etməlidir. Sessiyada Culian Assanjın (Julian Assange) saxlanması, mühakimə olunması, bunun insan hüquqlarına təsirləri barədə, eləcə də Avropada təbliğat və məlumat azadlığı ilə bağlı müzakirələrin aparılması planlaşdırılıb. Bu ilin iyununda "WikiLeaks"in qurucusu Culian Assanja qarşı işə xitam verilib, ABŞ hakimiyyəti ekstradisiya tələbini geri götürüb. O, ABŞ-də casusluqda ittiham edilirdi. 2019-cu ildə Britaniya polisi onu saxlamışdı. Assanj ABŞ məhkəməsində milli təhlükəsizlik ilə bağlı məxfi məlumatları qanunsuz əldə etdiyi və yaydığını etiraf edib.
-
24, 26 və 27 sentyabrda Azərbaycan sərhədçiləri ölkə sərhədlərini qanunsuz keçməyə cəhd göstərən Əlcəzair (3 nəfər) və Pakistan (19 nəfər) vətəndaşlarını saxlayıblar.
Şeyx Nəsrullahın qətli ilə bağlı İranın reaksiyası nə olacaq? – Sədrəddin Soltan Çətin sualda
Xəbər lenti
-
- Cəmiyyət,
- 14:46
- 342
-
- İqtisadiyyat,
- 14:26
- 349
-
- Siyasət,
- 11:30
- 448
-
- Böyük Şərq,
- 06:35
- 461
Rəy yaz