![Siyasi məhbusların yeni siyahısında 119 nəfər var](https://turan.az/resized/media/2016/main/112600176026-750-500-resize.webp)
Siyasi məhbusların yeni siyahısında 119 nəfər var
Azərbaycan vətəndaş cəmiyyətinin işçi qrupu noyabrın 26-da 119 nəfərdən ibarət yeni siyasi məhbus siyahısını açıqlayıb.
Oktyabrın 17-də açıqlanmış əvvəlki siyahıda 94 nəfər olub. 25 yeni siyasi məhbusdan 24-ü Nardaran hadisələri ilə bağlı cinayət işləri üzrə həbs olunan dindarlar, bir nəfər Gəncədən dini fəaldır. Bu barədə Turan-a işçi qrupunun koordinatorlrından biri, hüquq müdafiəçisi Rəsul Cəfərov bildirib.
111 səhifəlik hesabatda siyasi məhbuslar altı qrupa bölünüb:
“Jurnalistlər /Blogerlər” qrupuna Əbdül Əbilov və Rəşad Ramazanov, jurnalistlər Seymur Həzi, Araz Quliyev, Nicat Əliyev və Fikrət Fərəməzoğlu daxildir.
“Ədiblər/şairlər” qrupuna satirik şair Tofiq Həsənov və yazıçı Saday Şəkərli daxildir.
“Hüquq müdafiəçiləri” qrupunda vəkil, “Yasavul” hüquq firmasının rəhbəri Əlabbas Rüstəmov yer alıb. O, rüşvət vermək ittihamı ilə 7 il azadlıqdan məhrum edilib.
“Gənc fəallar” qrupuna beş nəfər daxildir: NİDA Hərəkatının üzvləri İlkin Rüstəmzadə, Elgiz Qəhrəmanov, Heydər Əliyevin abidəsini yazanlar - Bayram Məmmədov və Qiyas İbrahimov, həmçinin AXCP fəalı Elvin Abdullayev.
“Siyasətçilər, partiya fəalları” qrupu: AXCP üzvləri Zeynalabdin Bağırzadə, Fuad Qəhrəmanlı, Məmməd İbrahim və Asif Yusufli, həmçinin REAL Hərəkatının lideri İlqar Məmmədov.
“Ömürlük azadlıqdan məhrum edilənlər” kateqoriyasına keçmiş Xüsusi Təyinatlı Polis Dəstəsinin (XTPD) üç üzvü daxildir: Elçin Əmiraslanov, Arif Kazımov və Səfa Poladov. Onlar 1995-ci ilin martında XTPD-nin qiyamı ilə əlaqədar ölümə məhkum edilmişdilər. Sonradan onların barəsində ölüm hökmü ömürlük həbs ilə əvəzlənib.
“Digərləri” kateqoriyasına “Hizmət” Hərəkatı və onun rəhbəri Fətullah Gülənin işi ilə əlaqədar tutulanlar Faiq Əmirov, Fuad Əhmədli, keçmiş səhiyyə naziri Əli İnsanov, Zərdab Rayon Prokurorluğunun keçmiş müstəntiqi Rüfət Səfərov və başqaları daxildir.
“Digərləri” qrupunda “Siyasi girovlar” yarımqrupu da var ki, bura qohumlarının siyasi fəaliyyətinə görə həbs edilən şəxslər daxildir.
Söhbət Elnur Seyidov (Əli Kərimlinin qaynı), Murad Adilov (siyasi mühacirətdə olan müxalifətçi jurnalist Natiq Adilovun qardaşı), Mübariz Abdullayev (siyasi mühacir, Beynəlxalq Universitetin keçmiş rektoru Elşad Abdullayevin qohumu), Rüfət və Rövşən Zahidovlardan (“Azadlıq” qəzetinin baş redaktorunun qohumları) gedir.
Ən böyük qrup “Dindar fəallar” qrupudur. Bura Nardaran hadisələrinə, “Hicab azadlığı” aksiyasında iştiraka görə tutulanlar, İslam Partiyası və onun sədri Mövsüm Səmədovun işi, “Səid Dadaşbəylinin qrupu”nun işi üzrə həbs edilənlər, “nurçu”ların işi üzrə həbs edilən üç nəfər var.
Siyasi məhbus kimi tanınan 119 nəfərdən başqa daha 25 nəfər potensial siyasi məhbusun işi nəzarətə götürülüb.
İşçi qrupu qeyd edir ki, əslində siyasi məhbusların sayı daha çoxdur.
“Lakin ölkədəki mürtəce mühit çoxlarını bu işləri açıqlamaqdan çəkinməyə vadar edir. Digər problem hüquqi məlumatlılığın olmaması, vəkil çatışmazlığıdır. Regionlarda vəziyyət daha pisdir, müdafiə hüququnun mexanizmləri yoxdur”, - işçi qrupun məlumatında deyilir.
Siyahı hazırlanərkən müəlliflər AŞPA-nın 2012-ci il 3 oktyabr tarixli 1900 saylı qətnaməsinə əsaslanıblar.
Yeni siyahını 20-dən çox hüquq müdafiəçisi, QHT rəhbəri və hüquqşünas imzalayıb.–06B-
-
- İqtisadiyyat
- 26 Noyabr 2016 23:45
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz