Bakı/06.08.18/Turan: Hakimiyyət həbsdə olan bloger Mehman Hüseynovun ölüm döşşəyində olan anası ilə görüşünə icazə vermədi.
Ağır xəstə olan Firəngiz Hüseynova 2018-ci il avqustun 6-na keçən gecə dünyasını dəyişdi.
Buna qədər o, "kəskin ürək çatışmazlığı" diaqnozu ilə üç həftə reanimasiyada qalıb.
İyulun 15-də o, kliniki ölüm yaşayıb, amma həkimlər onu həyata qaytarmağa müvəffəq olublar. Reanimasiyada iki həftəlik müalicədən sonra həkimlər jurnalistin anasını süni koma vəziyyətindən çıxararaq, süni nəfər aparatından ayırıblar.
Mehman Hüseynovun ağır xəstə olan anası ilə görüşmək imkanı verilməsi xahişi ilə hakimiyyətə müraciətləri təmin edilməyib.
Firəngiz Hüseynova 71 yaşına iki gün qalmış oğlu ilə görüşə bilmədən dünyasını dəyişib.
Mehman Hüseynovun rəhbərlik etdiyi Reportyorların Azadlıq və Təhlükəsizlik İnstitutu ölkə rəhbərliyini mərhəmətsizlikdə və Firəngiz Hüseynovanı ölüm həddinə çatdırmaqda, xəstəxananın tibbi heyətini isə mərhəmətsizlikdə və səriştəsizlikdə ittiham edib.
Bir müddət əvvəl hakimiyyət Mehmanın qardaşı, RATİ-nin icraçı direktoru, hazırda siyasi mühacirətdə yaşayan Emin Hüseynovun həbsinə təşəbbüs etmişdi.
RATİ beynəlxalq ictimaiyyəti bu faciənin baş verməsində təqsirli olan yüksək vəzifəli məmurlara və onların ailə üzvlərinə qarşı sanksiyalar tətbiq etməyə çağırır.
RATİ Azərbaycan hakimiyyətindən tənqidçilərinin və onların ailə üzvlərinin qeyri-insani təqibinə dərhal son qoymağı, habelə bütün ifadə azadlığı məhbuslarının - jurnalistlər Mehman Hüseynov, Əfqan Muxtarlı, Seymur Həzi, Nicat Əliyev, Araz Quliyev, Fikrət İbişbəyli, Elçin İsmayıllı, Ziya Əsəsli və Ərşad İbrahimovu, blogerlər Rəşad Ramazanov və İlkin Rüstəmzadəni, qrafiti fəalları Qiyas İbrahimov və Bayram Məmmədovu, habelə satirik şair Tofiq Həsənov dərhal və qeyd-şərtsiz həbsxanalardan azad etməyi tələb edir. -02D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz