Dövlət Neft Şirkəti SOCAR “ATV İnternational” peyk telekanalını alıb. Sövdələşmənin qiyməti açıqlanmır.
Satış qurumun maliyyələşdirilməsi problemləri ilə əlaqədardır. Bunu ATV-nin prezidenti Vüqar Qaradağlı bugünkü mətbuat konfransında bildirib. Onun sözlərinə görə, 2009-cu ildə yaradılmış telekanal “reklamdan daxil olan gəlirlər əsasında fəaliyyət göstərməyib və bu səbəbdən də müasir texnologiyalarla təminatla bağlı problem yaranıb”. Bununla əlaqədar telekanal satışa çıxarılıb və SOCAR ona maraq göstərib.
Bundan sonra ATV İnternational SOCAR Media İctimai Birliyinin nəzdində fəaliyyət göstərəcək.
SOCAR-ın vitse-prezidenti Xaliq Məmmədov şirkətin ATV-ə marağını şirkətin ölkədə və xaricdə sosial layihələrinə media dəstəyinin verilməsinin vacibliyi ilə əsaslandırıb.
Onun sözlərinə görə, SOCAR Media İctimai Birliyinin neft şirkəti qarşısında hər hansı öhdəliyi olmayacaq.
Kanalda verilişlərin 10 faizi Azərbaycan, 90 faizi region ölkələri də daxil olmaqla, xarici dillərdə yayımlanacaq.
Kanal ən müasir texnologiyalarla təmin ediləcək, SOCAR-ın biznes maraqlarını təmsil etməklə yanaşı Azərbaycanın dövlət siyasətini təbliğ edəcək.
ATV-International qeyri-kommersiya təşkilatı olavaq və ayrılan qrant hesabına fəaliyyət göstərəcək.
Kanala jurnalist Azər Xəlilov rəhbərlik edəcək. O 1999-cı illərin əvvəllərində Azərbaycan mətbuatında çalışıb, bir sıra xarici KİV ilə əməkdaşlıq edib, BBC-nin Azərbaycan xidmətinə rəhbərlik edib.
A.Xəlilov bildirib ki, bundan sonra telekanal “CBC” (Caspian Broadcasting Company) adlandırılacaq. Hazırda kanal ingilis, rus, fars, erməni dillərində yayımlanır.06D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz