Mart ayinda təkrar mənzil bazarinda qiymətlər 3, 5% artib

 Mart ayında Təkrar Mənzil Bazarında (TMB) qiymətlər orta hesabla -3,5% artıb. Mütəxəssislərin hesablamalarına görə hal-hazırda TMB-da orta qiymət indeksi təxminən 1kv/m üçün-1080 ABŞ dollarından daha yuxarıdır. Ümumilikdə 2013-cü ilin birinci rübündə TMB-da qiymətlər 10% artıb.  Son bir ayda ötən aylara nisbətən bazardakı aktivliyin artması və bağlanan əqdlərin dinamikasında da artım halları müşahidə edilmişdir. Mart ayında aktivlik əmsalına görə ən cəlbedici rayonlar ötən ayda olduğu kimi, Yasamal, Nəsimi, Nərimanov və Xətai rayonları olmuş və bu 4 rayonun ümumi təklif portfelindəki payı 75%-dən yuxarı olub. Təklif portfelinin böyük hissəsinin bu 4 rayonun hesabına formalaşmasının əsas səbəbi, şəhərin mərkəzinə yaxınlığı və qiymətlərin ipoteka şərtlərinə daha münasib olmasıdır. Ay ərzində təklif üzrə ən çox azalma 4 otaqlılar üzrə qeydə alınıb. 1, 2 və 3 otaqlı mənzillərin təklif üzrə payında isə artım müşahidə olunub.  Bazarda mənzillərin 1 kv.m-nin orta qiymətindən (1080 ABŞ dolları) aşağı olan mənzillər ümumi portfeldə daha çox paya, yəni 53,3%-ə malikdir. 

Ekspertlər mart ayında aktivliyin nisbətən artmasını əsasən ipoteka krediti bazarının işləməsi, tikinti şirkətlərinin kredit portfelinin həcmini artırmaları, paytaxtın bəzi ərazilərində gedən tikinti-quruculuq işləri ilə əlaqədar nəğd vəsaitlər əldə edən əhalinin bu seqmentə marağının güclənməsi kimi səbəblərlə əlaqələndirirlər. Lakin qeyd olunan səbəblərin bazardakı aktivliyə uzun müddət təsir edə bilməyəcəyi vurğulanır. Mütəxəssislər TMB-da təklif olunan mənzillərin normal bazaq qiymətlərindən daha baha olduğunu qeyd edirlər.  Yaxın günlərdə bazarda aktivliyin müşahidə ediləcəyi, qiymətlərin isə nisbətən bahalaşmağa meyilli olacağı proqnozlaşdırılır.

Mart ayında Respublikanın digər iri şəhərlərindən Sunqayıtda-2,6%,Gəncədə-3,3%, Mingəçevirdə -5,2% qiymətlərdə artım qeydə alınmamış və ümumi aktivlik müşahidə edilmişdir.