SOCAR: Gözlənilən güclü küləklə əlaqədar lazimi tədbirlər görülüb
“Martın 31-də güclü külək olacağı barədə məlumat ölkənin neft sənayesinin rəhbər heyətinə məlumdur və bununla bağlı lazımı tədbirlər görülür”, - SOCAR-ın mətbuat xidmətinin rəhbəri Nizaməddin Quliyev Turan-a bildirib.
N.Quliyev bununla bağlı dəniz platformalarında az qüvvənin qalacağını söyləyib. Onun sözlərinə görə, dəniz platformalarındakı heyətlərə telefonoqramlar göndərilib, bundan əlavə, şifahi məlumatlar verilib, telefon danışıqları olub”.
N.Quliyev qazmaçıların, inşaatçıların, təmirçilərin, xidmət heyətinin çıxarıldığını bildirib. Platformada ancaq quyulara nəzarət edən heyət qalacaq və o da növbəlilik əsasında işləyəcək.
Nefçilərin Hüquqlarını Müdafiə Komitəsinin rəhbəri Mirvari Qəhrəmanlı “Azneft” İstehsalat Birliyinə (İB) istinadən bu qurumda da lazımi tədbirlərin görüldüyünü bildirib. “Dənizdə qalmasına ehtiyac olmayan heyətlər, əlbəttə, oradan çıxarılacaq, yalnız kiçik heyət qalacaq ki, onlar da quyulara nəzarəti həyata keçirəcəklər”.
M.Qəhrəmanlı deyib ki, görülən işlər barədə “Azneft” İB günün ikinci yarısında məlumat yayacaq.
Xatırladaq ki, ölkə meteoroloqları martın 31-i güclü şimal-qərb küləyinin əsəcəyi haqda məlumat yayıblar.—0--
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz