“Ölkə bazarlarındakı bahalığın iki qaynağı var ki, bunlardan biri inhisarçılıq, digəri isə möhtəkirlikdir”, - deputat Fazil Mustafa Turan-a bildirib.
Onun firkincə, bazarlarda möhtəkirliyin qarşısı alınmır, digər tərəfdən isə inhisarçılığa qarşı yetərli mübarizə aparılmır. F.Mustafa bəzilərinin bu bahalığı dolların məzənnəsi ilə əsaslandırmaq istəməsini də əsaslı saymır: “Əgər elədirsə, o zaman demək olar ki, iki aydır ki, dolların məzənnəsində ciddi dəyişiklik baş vermir, sual yaranır ki, bəs onda bu bahalaşma, özü də gündəlik bahalaşmanın səbəbi nədir? Odur ki, bunu dolların məzənnəsilə əsaslandırmaq mənasızdır”.
F.Mustafa hesab edir ki, pərakəndə satış şəbəkəsi malların bahalaşmasında və beləliklə, müştərini özündən qaçaq salmaqda heç zaman maraqlı olmayıb. “Bu bahalaşma topdansatış mərkəzlərindən başlayır və bütün satış şəbəkəsini əhatə edir, bu mərkəzlər isə inhisarçıların əlindədir, odur ki, həm möhtəkirliyə, həm də inhisara qarşı ciddi mübarizə getməlidir”.
Deputat deyir ki, hökumət də bu neqativlərə qarşı mübarizə apararaq buna əncam çəkməlidir və bu, hökumətin birbaşa vəzifəsidir.
Cəmiyyət
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
-
Yanvarın 19-da səhər və axşam paytaxtda yağış yağacağı gözlənilir. Səhər bəzi yerlərdə duman olacaq. Cənub-şərq küləyi əsəcək. Havanın temperaturu gecə müsbət 3+6, gündüz müsbət 7+11 dərəcə olacaq. Rütubət 70-80 faiz olacaq.
Rəy yaz