Bakı/30.03.17 “Azərbaycan Xalq Cəbhəsi Partiyasının (AXCP) fəalı, həbsdə olan Fuad Əhmədlinin cinayət işi ilə bağlı materiallar Bakı Ağır Cinayətlərə dair Məhkəməyə göndərilib. Bunu Turan-a F.Əhmədlinin vəkili Əshabəli Mustafayev bildirib.
Vəkil deyib ki, məhkəmənin vaxtı və işə hansı hakimin baxacağı bəlli deyil.
Ə.Mustafayev ittiham aktını iki gün öncə aldığını qeyd edib və ittihamların əsassız olduğunu söyləyib: “Məhkəmədən ədalətli hökm gözləntimiz o qədər də çox deyil, amma ümid də ən sonda ölür” deyirlər. İttihamın əsassız və saxta olduğunu sübut edəcək qədər dəlillərə malikik, amma məhkəmə bunları nəzərə alacaqmı, bu ayrı məsələdir”.
Martın 29-da F.Əhmədli ilə görüşdüyünü deyən vəkil F.Əhmədlinin səhhətində problemlər qaldığını bildirib və onun tənəffüs yolundakı problemlərdən əziyyət çəkdiyini söyləyib. “Əlbəttə, bu, var, amma adamı haqsız olaraq həbsə alıblar, bu, psixoloji zərbə isə ona daha çox pis təsir edir”, - vəkil bildirib.
Xatırladaq ki, Fuad Əhmədli 2016-cı ildə avqustun 18-də saxlanılıb. Dövlət Təhlükəsizliyi Xidməti və Baş Prokurorluğun açıqlamasında qeyd edilir ki, “Azerfon” MMC-də zənglər mərkəzində operator işləmiş F.Əhmədli abunəçilərə aid fərdi məlumatları, antenalar üzrə olduqları yerləri müəyyən adamlara ötürüb.
İddiaya görə, onun yaşadığı evdən axtarış zamanı qanunvericiliklə qadağan edilmiş dini ədəbiyyat, CD-disklər, Fətullah Gülənin çıxışları, “Hizmət imamları” adlandırılan şəxslər və onların qarşılıqlı əlaqələrinə dair sənədlər götürülüb.
Müdafiə tərəfi ittihamları əsassız adlandırıb. AXCP də bunu təzyiqlərin davamı kimi dəyərləndirib.
Son məlumatlar görə, AXCP fəalları Fuad Əhmədli, Faiq Əmirli (AXCP sədrinin köməkçisi, “Azadlıq” qəzetinin maliyyə direktoru) və Elçin İsmayıllının (İsmayıllı rayonunda həbs edilib, AXCP fəalı, jurnalist) cinayət işləri eyni icraatda birləşdirilib.
F. Əhmədliyə qarşı irəli sürülən köhnə ittihamlar bu il martın əvvəlində artıq “yenilənib”, ona qarşı Cinayət Məcəlləsinin 302 (əməliyyat-axtarış fəaliyyəti üzrə qanunvericiliyi pozma) və 308-ci (vəzifə səlahiyyətlərindən sui-istifadə) maddələrinin birinci hissəsi ilə deyil, ikinci hissəsi ilə titiham veriblər.
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz