![SOCAR-ın dəniz platformasında FH](https://turan.az/resized/media/2017/main/010500179577-750-500-resize.webp)
SOCAR-ın dəniz platformasında FH
Yanvarın 4-də axşam saatlarında “Ələt-Dəniz” yatağında SOCAR Dövlət Neft Şirkətinin N.Nərimanov adına Neft-qazçıxarma İdarəsinin 41 nömrəli platformasında içərisində dizel yanacağı olan çənin alt hissəsi çöküb.
Çənin çökməsi zamanı xəsarət alan olmayıb.
SOCAR-dan verilən məlumata görə, görülmüş tədbirlər nəticəsində platformanın elektrik təchizatını təmin etmək üçün müvəqqəti çən quraşdırılıb.
Şirkətdən həmçinin qeyd ediblər ki, çənin içərisindəki yanacağın dənizə tökülməsinin qarşısını almaq mümkün olub.
Bu, son bir ayda SOCAR obyektlərində dördüncü fövqəladə hadisədir.
Dekabrın 15-də N.Nərimanov adına NQÇİ-nin 3 nömrəli neftyığma məntəqəsində estakada uçub, nəticədə 10 neftçi dənizə düşüb, onları xilas etmək mümkün olmayıb.
Dekabrın 27-də və yanvarın 2-də Səngəçalda magistral qaz kəmərində partlayış olub. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz