Su İdmanı Sarayı tikilir

Dünən prezident İlham Əliyevin iştirakı ilə metrounun “Koroğlu” stansiyası yaxınlığında Su İdmanı Sarayının bünövrəqoyma mərasimi keçirilib.

Kompleks 2012-ci il avqust tarixli sərəncama əsasən tikilir. Layihənin həyata keçirilməsi üçün 5 mln. manat ayrılıb.

Layihə Cənubi Koreyanın Securo CO.LTD şirkəti tərəfindən işlənib hazırlanıb. Tikinti üçün 6 hektar torpaq sahəsi ayrılıb. Tikintini İspaniyanın Pujol Arguitectura şirkəti həyata keçirir.

Şirkət rəhbəri Hoakim Puxol bildirib ki, sarayda 3 üzmə hovuzu tikiləcək. Uzunluğu 50 m, etni 25 m və dərinliyi 3 m olan hovuz yarışlar üçün nəzərdə tutulub.

İkinci hovuzda məşqlər keçiriləcək, onun ölçüləri verilməyib.

Suya tullanma üçün üçüncü hovuzun uzunluğu 25 m, eni 20 m və dərinliyi 6 m təşkil edəcək.

Sarayda keçirilən idman yarışlarını 6 min tamaşaçı izləyə biləcək. Layihənin ümumi dəyəri açıqlanmır.

Qeyd edək ki, MOK 2015-ci ilin yayında Bakıda keçiriləcək İlk Avropa Olimpiya Oyunlarının su idmanı yarışlarını orada keçirməyi planlaşdırır. -06D-