Ötən gün axşam FNH və Baş Prokurorluq sentyabrın 17-də Sumqayıtda məişət kimyası zavodunda baş vermiş yanğınla əlaqədar birgə rəsmi məlumatla çıxış ediblər.
Məlumatda deyilir ki, yanğın zamanı üç nəfər həlak olub, 10 nəfər xəsarət alıb.
Həlak olanlar həmin müəssisənin əməkdaşları, qaynaqçılar, Sumqayıt sakinləri Sabir Babayev, Əbülfəz Səfərəliyev və Piri Piriyevdir. Həlak olanların cəsədləri məhkəmə-tibbi ekspertizadan keçib.
Xəsarət alan 10 nəfərdən 7-i FHN-nin əməkdaşları, üç nəfər zavodun işçisidir. Onlar təcili yardım maşını ilə xəstəxanaya aparılıb. Səkkiz nəfərə ilkin tibbi yardım göstərilib və evə buraxılıb. İki nəfərin müalicəsi davam edir.
Bazar ertəsi saat 17:00-da başlayan yanğın çərşənbə axşamı saat 4:00-a yaxın söndürülüb.
İlkin məlumatlara görə, müəyyən edilib ki, çənlərdə qaynaq işlərinin aparılması zamanı alışma və yanğın əmələ gəlib. Alov kimyəvi maddələrin olduğu çənə keçib və bu, yanğını gücləndirib.
İnsan tələfatına səbəb olmaqla texniki və yanğın təhlükəsizliyi qaydalarının pozulması ilə əlaqədar Sumqayıt Şəhər Prokurorluğu CM-in iki maddəsi üzrə 162.2 (əməyin mühafizəsi qaydalarının pozulması) və 225.2 (yanğın təhlükəsizliyi qaydalarının pozulması) maddələri ilə cinayət işi qaldırıb.
İstintaq hərəkətləri, yanğın-texniki, məhkəmə- tibbi və digər ekspertizalar aparılır.
Cinayət işinin mürəkkəbliyi nəzərə alınaraq, istintaq qrupu yaradılıb. İstintaqı Sumqayıt Şəhər Prokurorluğu aparır. Bu barədə birgə məlumatda deyilir.
Qeyd edək ki, ziyan dəymiş müəssisə özəldir. Qurum özəlləşdirilib və qeyri-rəsmi məlumata görə, nazirlərdən birinin qohumuna məxsusdur.—06D--
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz