Sumqayıt sakini hədələrə məruz qaldığını deyir

Sumqayıt şəhər sakini Nəvai Kazımov müxalif fikirli şəxs olduğu üçün təzyiqlərə məruz qaldığını bildirir. 

Kazımov Əliyevlər hakimiyyəti dövründə sözün düzünü deyənlərin ya təhqir olunduğunu, ya döyülərək şikəstlik “qazandığı”nı nəzərə çatdırır. 

2003-cü ildə prezident seçkilərində İlham Əliyevin zor gücünə hakimiyyətə gəldyini deyən N.Kazımov İsa Qəmbərin səslərinin oğurlanmasına minlərlə insanın etiraza qalxdığını qeyd eidb. Etirazçılar sırasında olduğuna görə güc strukturları qüvvələrinin amansızlığına düçar olduğunu deyib. Aldığı zədə üzündən hələ də müalicə aldığını vurğulayıb. 

2013-cü il prezident seçkilərində xalq Cəmil Həsənlini özünə prezidentliyə namizəd müəyyən edib. C.Həsənlinin seçkidə qalib gəldiyinə şübhə etməyən N.Kazımov 2003-cü ildəki kimi səslərin oğurlandığını bildirir. N.Kazımov bu saxtakarlıqlardan birinin şahidi olduğunu, telefona çəkərək internetə yerləşdirdiyini deyir. Onun sözlərinə görə, bununla bağlı gizli zənglər gəlir, həyatı, ailəsi və uşağı ilə təhdid olunur. 

N.Kazımov oktyabrın 11-də axsam işdən gələn zaman evinin yanındakı parkda tanımadığı bir qrup şəxs onu döymək istəyib, qaçmaqla canını qurtarıb. 

O qeyd edir ki, təhdid zəngləri hər gün olub, amma İlham Əliyevin saxtakarlıq nəticəsində seçilməsi mövqeyindən geri çəkilməyib. Onun sözlərinə görə, təhdid zəngləri indi də davam edir, amma bir gün Azərbaycanda demokratik hakimiyyət qurulacağına inamı da sonsuzdur. -05D-