Sumqayıtın avtomobil sahiblərinə Bakıya giriş qadağan olunub, əvəzində elektrik qatarından istifadə təklif edilib

Ötən şənbə prezident İlham Əliyevin iştirakı ilə Bakı-Sumqayıt elektrik qatarının yenidən qurulmadan sonra işə salınması mərasimi keçirilib.

Qatarların hərəkəri Bakı-Biləcəri-Xırdalan-Güzdək-Sumqayıt marşrutu üzrə həyata keçirilir. Marşrutun müddəti 40 dəqiqədir.

Sentyabrın 13-14-də Bakı və Sumqayıt arasında 2 qatar hərəkət edib. Sentyabrın 15-dən 8 qatar hərəkət edəcək. Bunun 3-ü ikimərtəbəli KISS qatarıdır (İsveçrənin

Stadler Rail Group şirkəti), qalan 5-i isə Latviya  istehsalı olan və yenidən qurulmuş köhnə qatarlardır.

Saat 6:00-dan 12:00-dək və   16:00-dan 21:00-dək qatarlar  30 dəqiqə, 12:00-dan 16:00-dək 1 saat intervalında hərəkət edəcəklər.

Dörd vaqondan ibarət KISS markalı elektrik qatarlarının hər birinin tutumu 919 sərnişin təşkil edir, oturacaq yerlərinin sayı 396-dır. İkimərtəbəli elektrik qatarlarında 84 oturacaqlı biznes-sinif oturacaqlar var.

Bütün vaqonlar pulsuz İnternet və yük üçün yerlərlə təchiz edilib.

Biznes-sinif vaqonlarda sərnişinlərə  çay və kofe təklif olunacaq ki, bunun qiyməti biletə daxildir.

Biletin qiyməti hələlik müəyyən edilməyib. Qərarın bu gün qəbul olunacağı gözlənilir. Hələlik qatarlar sərnişinləri pulsuz daşıyır. Ödənişi Bakı-kart ilə həyata keçirmək mümkün olacaq. Bileti ödəniş terminallarından almaq olar.

Əgər elektrik qatarlarının işə salınması sumqayıtlılar üçün yaxşı xəbər oldusa, sentyabrın 15-dən Sumqayıt nömrəsi olan avtomobillərin Bakıya buraxılmaması xəbəri onları məyus edəcək.—06D--