Bakı/30.05.19/Turan:Vəkillər Kollegiyası vəkil Şəhla Hümbətovanın barəsində intizam icraatına başlayıb. Bu barədə vəkil Facebook səhifəsində yazıb.
"İndicə Vəkillər Kollegiyasından zəng vurub dedilər ki, barəmdə intizam icraatı başlanıb. Əsas Mehman Hüseynovun işi ilə bağlı Penitensiar Xidmətin şikayətidir. İntizam icraatının başlanması barədə qərarın hansı tarixdə qəbul edildiyini soruşdum, dedilər ki, gəlin, burada qərar sizə veriləcək", - Ş.Hümbətova qeyd edib.
Ötən gün vəkil bildirmişdi ki, 2019-cu ilin yanvar ayından cəzaçəkmə müəssisələrinə getməsinə maneələr yaradılıb.
O, məsələ ilə bağlı Vəkillər Kollegiyasına, Ədliyyə Nazirliyinə, Penitensiar Xidmətə və ombudsman aparatına şikayət göndərib, ancaq məsələ həll olunmayıb.
Vəkillər Kollegiyasının sədri Anar Bağırov "Amerikanın səsi"nə bildirib ki, Ş.Hümbətovanın müraciəti "öyrənilir", "tədbir görüləcək".
Vəkil ona qarşı tətbiq edilən məhdudiyyəti bloger Mehman Hüseynovun hüquqlarının müdafiəsində tutduğu mövqeyi ilə əlaqələndirib. Vəkil məhbusun aclıq etməsi və hüquqlarının pozulması faktlarını açıqlayıb.
M.Hüseynovun məsələsi ölkədə və xaricdə böyük rezonans doğurub, Avropa Parlamenti xüsusi qətnamə qəbul edib. Bundan sonra işə xitam verilib və M.Hüseynov birinci iş üzrə cəzasını çəkərək martda azadlığa çıxıb. Görünür, prinsipial mövqeyinə və öz işini vicdanla yerinə yetirdiyinə görə indi vəkillə haqq-hesab çəkirlər.16D06-
Cəmiyyət
-
Vəkil Aqil Layıc Bakı Apellyasiya Məhkəməsinin sədri Mübariz Əkbərovu idarəçilikdə özbaşınalıqda ittiham edərək, Prezident İlham Əliyevdən müdaxilə etməyi xahiş edib. Layıc öz narahatlığını Facebook paylaşımında ifadə edərək bildirib ki, Əkbərovun rəhbərliyi altında hüquqi müdafiə “formal səviyyəyə” endirilib.
-
İnnovasiya və sürət lideri “Bakcell” inklüzivliyə dəstək strategiyası çərçivəsində "Birgə və Sağlam" İctimai Birliyi tərəfindən yaradılan “Kaşalata” kafedə “İnnovasiyalarla Müxtəlifliyə Doğru” adlı tədbir təşkil edib. Tədbirin məqsədi "Bakcell" ilə “Birgə və Sağlam” İctimai Birliyi arasındakı tərəfdaşlığın qeyd olunması və kafedə çalışan gənclərlə görüş olub.
-
Azərbaycan Nazirlər Kabineti 1999-cu ildə təsdiq edilmiş və yol hərəkəti qaydalarının pozulmasına görə cərimələrdən əldə edilən vəsaitlərin bölüşdürülməsinə dair qaydalara düzəlişləri təsdiq edib. 2025-ci il yanvarın 23-də imzalanan və №14 saylı qərar formasında rəsmiləşdirilən bu dəyişikliklər, Bakı şəhərinin inzibati ərazisində yol hərəkətinin idarə edilməsinin təkmilləşdirilməsi ilə bağlı prezident fərmanlarına uyğunlaşdırma məqsədi daşıyır.
-
Yanvarın 25-də paytaxtda hava dəyişkən olacaq. Gecə və səhər yerlərdə zəif yağıntı olacaq. Şimal-qərb küləyi əsəcək. Havanın temperaturu gecə müsbət 4 +6, gündüz müabət 7 + 10 dərəcə, rütubət 70-80 faiz olacaq.
Rəy yaz