Böyük finala sözardı (Video)

Bakı/30.05.19/Turan: Avropa Liqasının Bakı finalı baş tutdu. Dumanlı Albionun iki klubunun - "Çelsi" və "Arsenal"ın Xəzər sahilindəki derbisi möhtəşəm oldu. Futbol atmosferi də bayramsayağı idi, ciddi insidentlə üzləşmədi, baxmayaraq ki, hər iki komandanı həm Böyük Britaniyadan, həm də digər ölkələrdən, eyni zamanda yerli azarkeşlər arasında dəstəkləyənlər vardı.

Britaniyalıların qızğın xarakterini nəzərə alaraq onlar arasında qarşıdurmanın ola bilməsilə bağlı ehtiyat tədbirləri görülmüşdü. Belə hallar Avropada dəfələrlə baş verib. Böyük insident baş vermədi. Ötən gün axşam "Çelsi" və "Arsenal"ın ingilis fanatları arasında münaqişə yarandı və nəticədə "Çelsi"nin azarkeşi xəstəxanaya yerləşdirildi.

Başqa bir insidentdə Rusiyadan olan etnik azərbaycanlı yerli azarkeşlə qavğa etdi.

Britaniyalılar ənənəvi olaraq özlərini hay-küylü aparırlar, mahnı oxuyurlar, qışqırırlar, rəqs edirlər, spirtli içkilər qəbul edirlər. Lakin bakılıların təmkinliyi və polisin sayıqlığı sayəsində başqa münaqişə olmadı.

Ümumilikdə, hər iki komandanın çoxsaylı əcnəbi fanatları Bakıda özlərini çox rahat hiss edirdilər. Mərkəzdəki restoran və kafelərin çoxunda hər iki klubun bayraqları asılmışdı, onları nahara və şam yeməyinə dəvət edirdilər. İki komandanın fanatları qonşu masaların arxasında dinc şəraitdə otururdu.

Müxtəlif ölkələrdən, ö cümlədən Afrika dövləti, Çin, Yaponiya, Tayland və s. gələn fanatların geniş coğrafiyası heyrət doğururdu. Ancaq ən çox qonaq Rusiyadan gəlmişdi.

"Arsenal"ın fanatlarının qırmızı rəngi vizual olaraq üstünlük təşkil edirdi. Bu, stadionda da nəzərə çarpırdı.

Ancaq ümumilikdə tamaşaçı rəğbəti "Çelsi"yə yönəlmişdi ki, bu da Mxitaryanın Bakıya gəlməkdən imtina etməsilə bağlı qalmaqal ilə əlaqədardır.

Bakıda olan "Arsenal"ın futbolçuları öz qələbələrini Mxitaryana həsr edəcəklərini vəd etmişdilər.

"Çelsi" isə öz diqqətini ancaq futbola yönəltmişdi. Onlar "aristokratlar" reputasiyasını təsdiqlədilər və Bakı publikasının hörmətini qazandılar. Oyun tribunalarda çoxlu VİP-personların olması ilə də yadda qaldı. Matçı ölkənin birinci şəxsləri -Əliyevlər cütlüyü izləyirdi.

"Çelsi"nin prezidenti Roman Abramoviç ona azarkeşlik etmək üçün Bakıya gəlmişdi. Britaniya hakimiyyətinin viza məhdudiyyəti ilə əlaqədar İngiltərədə bunu etmək zövqündən məhrum edilib.

VİP lojada əfsanəvi Luiş Fiqu və Aleksandr Çeferin başda olmaqla UEFA rəhbərliyi yer almışdı.

Avropa Liqasının finalı Avro-2020 oyunlarına hazırlıq öncəsi Azərbaycan üçün yaxşı sınaq oldu. Belə ki, Bakıda qrup mərhələsinin üç matçı və bir dörddəbir final keçiriləcək. Ümid etmək qalır ki, çatışmazlıqlar və nöqsanlar aradan qaldırılacaq, ən əsası isə Bakıda bir çox istiqamətdə birbaşa aviareys açılacaq. Belə ki, əcnəbi fanatların ən çox iradına məhz logistik problemlər səbəb oldu. -06B-