Təhsil nazirinin yeni müavini təyin edilib
Azərbaycan prezidentinin sərəncamı ilə Ceyhun Bayramov təhsil nazirinin yeni müavini təyin edilib.
Avqustun 13-də nazir Mikayıl Cabbarov yeni müavini kollektivə təqdim edib.
Xatırladaq ki, son aylar təhsil nazirinin müavini vəzifəsi vakant idi. 2012-ci ildə təhsil nazirinin üç müavini eyni gündə vəzifədən uzaqlaşdırılıb. Bundan sonra 2012-ci il sentyabrın 14-də Q.Novruzov nazir müavini təyin edilib və son ayda vəzifəsindən uzaqlaşdırılıb.
Yeni müavin bu il aprelin 19-da M.Cabbarov təhsil naziri təyin edildikdən sonra nazirlik aparatına gətirilib və tez bir zamanda aparatın rəhbəri vəzifəsinə təyin edilib.
Təhsil ictimaiyyəti onu dərindən tanımır. “Çünki yeni müavin ümumiyyətlə təhsil sahəsində çalışmayıb”, - ekspertlərdən biri Turan-a bildirib.
Təhsil nazirinin müavini C.Bayramovun maliyyə nazirinin müavini Azər Bayramovun qardaşı olduğu deyilir.
O, ixtisasca hüquqşünasdır. “Salans” beynəlxalq hüquq şirkətinin Baki ofisində baş hüquqşünas vəzifəsində çalışıb. 1996-2000-ci illərdə Vergilər Nazirliyində böyük dövlət vergi müfəttişi vəzifəsində çalışıb. -03C-
-
- İqtisadiyyat
- 14 Avqust 2013 12:45
-
- İqtisadiyyat
- 14 Avqust 2013 12:53
Cəmiyyət
-
Oktyabrln 28-də səhər güclü yağıntı nəticəsində Bağırov köprüsünü su basıb. Nəticədə Heydər Əliyev prospektində nəqliyyatın hərəkətində tıxac yaranıb, avtomobil sürücüləri bildiriblər.
-
Səhər saat 11:00-da paytaxtda güclü leysan yağmağa başlayıb və günün ikinci yarısına qədər davam edəcək, sinoptiklər bildiriblər.
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
Rəy yaz