Tələbə təsdiq edilməmiş sətəlcəmdən vəfat edib
Bakı/05.01.24/Turan: Azərbaycan Dövlət Pedaqoji Universitetinin tələbəsi Sevil İbayeva yanvarın 4-də qızılca şübhəsi ilə daxil olduğu Cəlilabad Rayon Mərkəzi Xəstəxanasında vəfat edib, xəbəri yerli KİV-lər yayıb.
Tibbi Ərazi Bölmələrini İdarəetmə Birliyindən Turan-a bildiriblər ki, qız ağır vəziyyətdə xəstəxanaya gətirilib və reanimasiya şöbəsinə yerləşdirilib.
"Ona "təsdiq edilməmiş sətəlcəm" diaqnozu qoyulub. Zəruri tibbi yardımın göstərilməsinə baxmayaraq, yanvarın 4-də o, vəfat edib", deyə xəstəxanadan bildiriblər.
Qeyd edək ki, son vaxtlar Azərbaycanda qızılcaya yoluxma halları artıb. Xəstələnənlərin rəsmi statistikası açıqlanmasa da, qeyri-rəsmi məlumatlara görə, yüzlərlə insan bu xəstəliyə yoluxub. Ən az beş nəfər qızılcadan dünyasını dəyişib. 03B06
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz