(AP Photo/Vahid Salemi) ASSOCIATED PRESSLess
AP: “İslam Dövləti” qruplaşması (İŞİD) cümə axşamı günü 2020-ci ildə ABŞ-ın pilotsuz təyyarəsinin zərbəsi nəticəsində öldürülən iranlı generalın anım mərasimində həyata keçirilən iki partlayışa görə məsuliyyəti öz üzərinə götürüb.
Qruplaşmanı izləyən ekspertlər təsdiqləyiblər ki, cihadçılar arasında internetdə yayılan bəyanat, çox güman ki, İsrailin Qəzza zolağında HƏMAS ilə müharibəsi fonunda bölgəni bürüyən xaosdan istifadə etmək istəyən ekstremistlərə məxsusdur.
Çərşənbə günü Kirmanda törədilən terror aktında azı 84 nəfər ölüb, 284 nəfər yaralanıb. Hücumun məqsədi teokratiya tərəfdarlarının ikona hesab, Amerika ordusunun isə İraqda ABŞ hərbçilərinin öldürülməsində əli olduğunu düşündüyü İnqilab Keşikçiləri generalı Qasım Süleymaninin şərəfinə keçirilən mərasimdir.
Cümə axşamı terrorun baş verdiyi ərazidə partlayışın ölümcül təsirini gücləndirmək üçün istifadə edilən partlayıcı qurğunun qəlpələri aşkar edilib.
“İslam Dövləti” qruplaşması hücum edənlərin Ömər əl-Müvahed və Seyfullah əl-Mucahid olduğunu bildirib. Açıqlamada deyilir ki, həmin şəxslər hücumları partlayıcı jiletlərdən istifadə edərək həyata keçiriblər. Bəyanatda həmçinin “İslam Dövləti” qrupunun kafir hesab etdiyi şiələrə qarşı təhqiramiz ifadələr var.
Bəyanatda hücumu hansı regional ekstremist bölmənin törətdiyi qeyd olunmayıb. Lakin Vaşinqton Yaxın Şərq Siyasəti İnstitutunun baş əməkdaşı Aaron Zelin bildirib ki, bundan əvvəlki bəzi açıqlamalarda regional bölmə qeyd edilmir və son bəyanat birbaşa qrupla əlaqəli akkauntdan gəlib.
Zelinin sözlərinə görə, qruplaşma, çox güman ki, İranın İsraili vuracağına və HƏMAS ilə müharibəni regional münaqişəyə çevirəcəyinə ümid edir. İslam Dövləti isə potensial olaraq bundan istifadə edə bilərdi.
“İslam Dövləti” qruplaşması daha əvvəl 2017-ci ilin iyununda Tehranda parlamentə və ayətullah Xomeyninin məqbərəsinə hücumu öz üzərinə götürüb. Hücum ən azı 18 nəfərin ölümü və 50-dən çox insanın yaralanması ilə nəticələnmişdi. Qrup daha iki hücumu öz üzərinə götürüb.
Dünyada
-
Türkiyənin xarici işlər naziri Hakan Fidan və Suriyanın yeni administrasiyasının rəhbəri Əhməd Əl-Şara Dəməşqdə keçirilən danışıqlardan sonra birgə mətbuat konfransında Suriyada "yeni dövr" elan etdilər. Fidan Suriyanın ən qaranlıq günlərinin geridə qaldığını vurğuladı və inklüzivlik və suriyalıların qətiyyəti üzərində qurulmuş parlaq bir gələcək vəd etdi.
-
Yeni Gallup sorğusu göstərir ki, iki ildən çox davam edən Rusiya-Ukrayna müharibəsinin tezliklə həllini istəyən amerikalıların sayı artmaqdadır. Respondentlərin yarısı münaqişənin tez bir zamanda bitməsini dəstəklədiyini bildirib, hətta bu, Ukraynanın bütün itirilmiş ərazilərini geri qaytarmayacağı anlamına gəlsə belə. Bu rəqəm 2024-cü ilin martı ilə müqayisədə 7 faiz artım deməkdir. Oktyabr 2023-dən bəri tez həllə dəstək 43 faiz səviyyəsində sabit qalmışdı.
-
ABŞ-ın yüksək rütbəli diplomatları cümə günü Dəməşqdə Suriyanın yeni faktiki lideri Əhməd əl-Şaraa ilə görüş keçirdi. Görüş ölkənin siyasi keçidi müzakirə etmək məqsədilə təşkil olunmuş və "yaxşı" və "çox məhsuldar" kimi qiymətləndirilmişdir. ABŞ nümayəndə heyəti, həmçinin, əl-Şaraa-nın başına qoyulmuş 10 milyon dollarlıq mükafatın ləğv edildiyini elan edib.
-
İran qadınlar üçün daha sərt hicab tələbləri ilə bağlı mübahisəli yeni qanunun tətbiqini dayandırıb. Bir çox müşahidəçilərin fikrincə, bu qanun Mahsa Əmininin 2022-ci ildə ölümündən sonra baş verən kütləvi etirazlara bənzər hadisələri təkrarlaya bilərdi, yüksək rütbəli rəsmi bildirib.
Rəy yaz