Tərəflər barışmaq istəsə də, prokuror ağır cəzada israr edir

Bazar ertəsi Sabirabad rayon məhkəməsində müxalifət liderlərindəın Pənah Hüseynin 7 qohumu üzərində məhkəmə prosesi davam edib.

Vəkil Rəşad Mehdizadə ittiham olunan şəxslərin vəkillərinin vəsatətlərinin təmin olunmamasına narazılıq edib. Vəkil bir neçə gün əvvəl tərəflər arasında barışıq əmələ gəlməsini müsbət addım adlandırıb. 

Vəkil müdafiə etdiyi şəxslərin əməlində xuliqanlıq olmadığını vurğulayıb. Vəkilə görə, məhkəmə prosesi törədilən əməlin xuliqanlıq olub-olmadığına belə aydınlıq gətirə bilməyib.Vəkil cinayət işinin 127.1 və 128-ci maddələrlə başladığını, xuliqanlıqla bağlı maddəyə sonradan tövsif olunduğunu və ittiham irəli sürüldüyünü qeyd edib. Amma əməlin xuliqanlıq olmasını sübut edən bir əsaslandırma belə olmadığına diqqət çəkib. Vəkil müdafiə etdiyi şəxslərin əməllərində xuliqanlıq tərkibi olmadığı üçün cinayət işinə xitam verilməsini, müdafiə etdiyi şəxslərə bəraət hökmü çıxarılmasını istəyib.

Qarşı tərəfin vəkili belə alternativ cəza olduğu halda dövlət ittihamçısının ağır cəza istəməsini tənqidə məruz qoyub. Vəkil baş verən hadisəni xuliqanlıq yox, kənd sakinləri arasında uzun illər davam edən şəxsi problemlərdən irəli gələn məsələ sayaraq, ittihamın 128-ci maddəyə tövsif olunmasını xahiş edib.

Dövlət ittihamçısı ağır cəzalar verilməsinin üstündə dayanıb, bu isə hər iki tərəfin vəkillərinin yenidən replika ilə çıxış etmələrinə səbəb olub. 

Vəkillər ekspertizanın nəticələrinin ibtidai istintaqı şübhə altına almasına, ifadələrin təzadlı olmasına və ekspertizadan sonra dəyişdirilməsinə diqqət çəkiblər.

Vəkillər istintaqın mövqeyi ilə razı olmadıqlarını, bu fikirlərini istintaq zamanı da çatdırdıqlarını xatırladıblar. Vəkillərə görə, istintaq normal aparılmayıb, məsələlərə qərəzli yanaşıb. 

Vəkillərin çıxışlarından sonra hakim təqsirləndirilənlərə son söz demək təklifi edib, təqsirləndirilənlər isə məhkəmədən vaxt istəyiblər. Buna etiraz edən dövlət ittihamçısı dərhal son söz demələrini tələb edib. Buna baxmayaraq, hakim növbəti prosesi dekbarın 14-nə təyin edib. -05B-