![Tofiq Yaqublunun ölkəni tərk etməsinə icazə verməyiblər](https://turan.az/resized/750/500/resize/media/2016/main/051900156537.jpg)
Tofiq Yaqublunun ölkəni tərk etməsinə icazə verməyiblər
Mayın 19-da günorta keçmiş siyasi məhbus, jurnalist və Müsavat Partiyasının sədr müavini Tofiq Yaqublunun ölkəni tərk etməsinə icazə verməyiblər. Onun vəkili Nemət Kərimlinin Turan-a verdiyi məlumata görə, hadisə Yaqublu Gürcüstana getmək istəyərkən Qazax rayonunda "Sınıq körpü" buraxılış məntəqəsində baş verib.
Sərhədçilər Yaqubluya bildiriblər ki, onun ölkəni tərk etməsinə qadağa qoyulub. Lakin Yaqublu bir ay əvvəl prokurorluqdan ölkəni tərk etmək qadağasının götürüldüyü haqqında rəsmi cavab aldığını bildirib, deyə onun vəkili qeyd edib.
Xatırladaq ki, Yaqublu 2013-cü ilin yanvarında İsmayıllı şəhərində iğtişaşların təşkil edilməsi ittihamı ilə həbs olunub. 2016-cı il Novruz bayramı ərəfəsində o, dövlət başçısının fərmanı ilə əvf olunub. -16D-
-
- Cəmiyyət
- 19 May 2016 14:46
-
- İqtisadiyyat
- 19 May 2016 15:35
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz