“PSG-Broker” MMC bu gün qapalı səhmdar cəmiyyətinə çevrildiyini elan edib. Bu, o deməkdir ki, şirkət lisenziya alsa, qiymətli kağızlar bazarında müxtəlif xidmətlər göstərən altıncı investisiya şirkəti olacaq.
Şirkət PSG qrupuna daxildir. Təsisçiləri barədə heç nə məlum deyil. Şirkət korporativ saytında (http://psgbroker.az/az/about) bu barədə məlumat vermir, maliyyə hesabatını açıqlamır.
Məlumdur ki, “Cənub qaz dəhlizi” QSC-nin ümumi məbləği 2 mlrd 516 mln ABŞ dolları olan istiqrazlarının dörd buraxılışının yerləşdirilməsinin anderrayteri olub. “Cənub qaz dəhlizi” QSC-nin həmtəsisçisi SOCAR-dır.
Dəqiqləşdirilməyən məlumata görə, “PSG-Broker” SOCAR-ın törəməsidir. Şirkətin Avropadan həmtəsisçisi var. Şirkətin nizamnamə kapitalı 100 min manatdır. Direktoru bu yaxınlaradək Səbinə İsayeva olub. İndi bu vəzifəni Faiq Məmmədov tutur. O, eyni zamanda qrupun hüquq şirkətinə rəhbərlik edir.
PSG qrupuna “PSG Resort”, “PSG Production”, “PSG Tax Consultig”, “PSG Low”, «PSG idarə sistemləri» və “PSG Finans” BOKT daxildir.
Hazırda fond bazarında beş investisiya şirkəti iştirak edir: Unicapital, İnvest-AZ, Azfinance, Kapital Menecment və Pasha Kapital. 08B
İqtisadiyyat
-
Azərbaycan Prezidenti İlham Əliyev cümə axşamı Bakıda kommunal xidmətlər üçün nəzərdə tutulmuş xüsusi təyinatlı nəqliyyat vasitələri ilə tanış olub. Bu addım şəhər infrastrukturunun modernləşdirilməsi və ətraf mühitin dayanıqlılığının artırılması istiqamətində görülən tədbirlər çərçivəsində atılıb.
-
Azərbaycan Milli Depozit Mərkəzi (MDM) 2024-2026-cı illər üzrə maliyyə bazarlarının inkişafı üçün etimadın artırılması, bazara çıxış imkanlarının genişləndirilməsi və investisiya alətlərinin çeşidinin artırılmasına yönəlmiş strateji hədəflər və rəqəmsal yenilikləri elan edib.
-
Bakının ictimai avtobuslarında istifadə olunan, mobil telefon tətbiqi və M10 proqramı ilə aktivləşdirilən QR-kod vasitəsilə həyata keçirilən ödəniş üsulu sərnişinlər üçün çətinliklər yaradır, iqtisadçı Samir Əliyev Facebookda bildirib.
-
Gələn ildən etibarən Azərbaycan hökuməti, yerli məhsulları xaricə ixrac edən, lakin qazandıqları gəlirin bir hissəsini ölkəyə qaytarmayan sahibkarlara münasibətdə yeni siyasət həyata keçirəcək. Bu məsələ xüsusilə Rusiyada satılan Azərbaycan pomidorlarına aiddir. Milli Bankın sədri Taleh Kazımovun sözlərinə görə, belə sahibkarların cəzalandırılması ilə bağlı qərarlar gəlirin geri qaytarılmamasının səbəbləri dərindən araşdırılmadan qəbul edilməyəcək.
Rəy yaz