Bakıda qida sənayesi sərgisi açılıb

Mayın 19-da Bakıda Ekspo Mərkəzində 22-ci Azərbaycan Beynəlxalq “Qida sənayesi” “WorldFood Azerbaijan 2016” sərgisi açılıb.

Açılış mərasimində Iteca Caspianın icraçı direktoru Fərid Məmmədov deyib ki, sərgi iştirakçılarının sayı 11% artıb və tərkibində xarici iştirakçılar 67% təşkil edir. Bu il WorldFood Azerbaijan və CaspianAgro sərgisində 34 ölkədən 309 şirkət iştirak edir. Bunların arasında Belarus, Almaniya, Hindistan, İspaniya, İtaliya, Qazaxıstan, Litva, Niderland, BƏƏ, RF və başqa ölkələr var. Türkiyədən sərgiyə 20 şirkət gəlib. «Şri Lanka Ti Bord» Dövlət Çay Komitəsi Şri Lankadan olan şirkətlər qrupuna başçılıq edir.

Yerli istehsalçı və distribütorlar eksponentlərin 25%-i təşkil edir. Onların sırasında «Azersun Holding», «Atena», «Caspian Construction Systems», «Gilan Holding», «Metak» şirkətlər var. «Amoris», «Buta Group», «Modern Group» sərgidə debüt edir. Azərbaycan, BƏƏ, Rusiya, Türkiyə və Ukraynadan eksponentlər qablaşdırma tərtibatı və istehsalı avadanlığı, markalama avadanlığı, qablaşdırma materilları və s təqdim edir.

Kənd təsərrüfatı naziri Heydər Əsədov, Belarus baş nazirinin müavini Mixail Rusıy, Gürcüstanın  kənd təsərrüfatı naziri Otar Daneliya, Niderland Krallığı Senatının sədri Rene Van der Linden, Türkmənistanın Kənd Təsərrüfatı və Su Təsərrüfatı Nazirliyinin idarə rəisi Kərim Saparov sərgidə iştirak edib.

Eyni zamanda, həmin gün keçirilməsi planlaşdırılan Xəzər Beynəlxalq "Qablaşdırma, Tara, Etiket və Poliqrafiya" Ipack Caspian 2016" sərgisində müxtəlif sənaye sahələri üçün qablar, qablaşdırma materialları, tara və hazır qablaşdırmaların istehsal və tərtibatı üçün avadanlıqlar təqdim olunacaq. 08D