Jurnalist Xədicə İsmayılovanın həbsinə bais olan Tural Mustafayev sensasion etiraf edib ki, o, Xədicə haqqında şikayətini hüquq-mühafizə orqanlarının təzyiqi altında verib. O, özünün video-müraciətini Youtube şəbəkəsində yayımlayıb.
T.Mustafayev bildirib ki, 2014-cü il oktyabrın 20-də həqiqətən intihar etmək üçün zəhər içib. Bu hadisə Bakı prokurorluğunda araşdırılan zaman prokurorluq rəhbərinin birinci müavini Azər Əsgərov və müstəntiq Vaqif Süleymanov T.Mustafayevi məcbur ediblər ki, onu intihar cəhdinə X.İsmayılovanın vadar etməsi barədə ərizə yazsın.
T.Mustafayevi onun kirayədə qaldığı evdə MTN tərəfindən aparılan gizli videoçəkiliş ilə şantaj ediblər.
“Mənə dedilər ki, əgər ərizə yazmağa razılaşmasam video yayımlanacaq. Həmin videoda bir çox adamlar var ki onların adlarını açıqlamaq istəmirəm”, - T.Mustafayev bildirib, lakin videoda nə olduğunu dəqiqləşdirməyib.
2014-cü il dekabrın 27-də T.Mustafayev özünün Facebook səhifəsində yazıb ki, X.İsmayılovaya qarşı iddialarından imtina edir və Moskvaya getmək istəyib. Lakin prokurorluq onun ölkədən çıxışına qadağa qoyub və o, Göyçaq polisi tərəfindən saxlanılıb.
Oradan polis və MTN əməkdaşları onu Bakıya gətiriblər və kirayədə qaldığı evdə həbs şəraitində saxlayıblar. Fevralın 14-dək döyüblər, tələb ediblər ki, X.İsmayılovaya qarşı iddiasından imtina etməsin.
Eyni zamanda xüsusi xidmət orqanları onun Facebook-dakı profilini və e-mail ünvanının şifrəsini sındırıblar.
Fevralın 14-də onu 1 saylı ruhi xəstəxanaya apararaq psixotrop maddələr qəbul etməyə məcbur ediblər. Bu fevralın 28-dək davam edib, sonra Göyçaya valideynlərinin evinə göndəriblər.
Aprelin 8-də T.Mustafayev baş prokuror Zakir Qaralovun adına ərizə yazaraq X.İsmayılovaya qarşı şikayətindən imtina etdiyini bildirib, ölkədən çıxışına qoyulan qadağanın ləğvini xahiş edib.
Sonra T.Mustafayev qeyd edib ki, MTN Antiterror Mərkəzinin rəhbəri İlqar Əliyev, əməkdaş Azər Məcidov və digər şəxslər onu hədələyiblər ki, əgər X.İsmayılovaya qarşı ərizəsini geri götürərsə onu böyük problemlər gözləyə bilər.
Bununla belə, T.Mustafayev X.İsmaylovaya qarşı şikayətindən imtina edir.
Mayın 4-də səhər T.Mustafayev Turan-ın müxbiri ilə söhbətində bildirib ki, mayın 5-də saat 10:00-da Baş Prokurorluğun Ağır Cinayətlər üzrə İstintaq İdarəsinə çağırılıb.
T.Mustafayev onunla dindirməyə getmək üçün vəkil axtarır.06D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz