Vaşinqton, D.C – USAID-in Vətəndaş Cəmiyyəti Təşkilatlarının Davamlılıq İndeksinin (VCTDİ) ən son versiyasına əsasən Avropada və Avrasiyada vətəndaş cəmiyyəti təşkilatları adətən vətəndaş iştirakçılığının artan səviyyəsindən faydalanırlar və onların nüfuzu hökumətləri getdikcə onlara daha yaxından baxmağa sövq edir. Bu ilin VCT Davamlılıq İndeksi də Avropa və Avrasiyadakı ölkələrin 2014-cü ildə müxtəlif istiqamətlər üzrə hərəkət etməyə davam etdiklərini göstərir. Bəzi ölkələr siyasətin aparılmasına vətəndaşları cəlb edərkən, digərləri vətəndaş cəmiyyəti üçün imkanları ləğv etməyə çalışır. 2014-cü il, səslərinin eşidilməsini tələb edən vətəndaş cəmiyyətinin yeni dalğasından tutmuş, vətəndaş cəmiyyətini daha yaxından tənzimləyən və ya imkan verən yeni qanunvericiliyin qəbuluna və siyasətin inkişaf etdirilməsində vətəndaş iştirakının institusionallaşdırılması üçün yeni mexanizmlərin tətbiqinə qədər yeni və ya daha gücləndirilimiş tendensiyalarla qeyd olundu. Regionda vətəndaş cəmiyyəti sektorunun hər yerdə davamlı olması üçün uzun müddət tələb edilməsinə baxmayaraq, vətəndaşlar daha hesabatlı, şəffaf və effektiv hökumət tələb etməyə davam etdilər. Vətəndaş cəmiyyəti sektoru həmçinin regionun bir çox ölkələrində artan güc və yetkinlik göstərir.
Avropa və Avrasiya üçün ABŞ Beynəlxalq İnkişaf Agentliyi (USAID) tərəfindən hazırlanmış VCTDİ Avropa və Avrasiyada aktiv olan geniş sayda qeyri-kommersiya, vətəndaş cəmiyyəti təşkilatlarının (VCT) inkişafındakı tərəqqini qiymətləndirir. Bu ilin nəşri 2014-cü təqvim ili ərzində vətəndaş cəmiyyətindəki durumu əhatə edir. İndeks son 18 ildə iyirmi doqquz ölkədə vәtəndaş cəmiyyәti üçün mövcud mühitini 7 davamlılıq müstəvisi üzrə qiymətləndirir. O, QHT-lәr üçün hüquqi mühit, tәşkilati bacarıqlar, maliyyә imkanları, vәkillik, xidmәtlәrin tәmin edilmәsi, infrastruktur vә ictimai imic baxımından olan vәziyyәti qiymәtlәndirir. Bu hesabat bütövlükdə hər bir ölkədə və regionda vətəndaş cəmiyyətinin inkişafını təsvir edir və qiymətləndirir.
VCTDİ qurulduğu gündən bu yana dramatik transformasiya edilmişdir – o Avropa və Avrasiya Regionunda 21 ölkəni əhatə etməkdən, bütün dünyanın müxtəlif regionlarında 60 ölkədən çoxunu əhatə etməyə qədər genişlənmişdir. “Gender Port” 2014-cü ildə Azərbaycanda VCTDİ-ni nəşr etmək üçün USAID-lə tərəfdaşlıq etməkdən məmnunluq duyur.
Tam hesabatı buradan əldə edə bilərsiniz: http://www.usaid.gov/europe-eurasia-civil-society
Cəmiyyət
-
Noyabrın 14-də şəkərli diabetlə beynəlxalq mübarizə günü idi. Azərbaycanda diabetdən əziyyət çəkənlər üçün pulsuz dərmanların verilməsi nəzərdə tutulub. Nazirlər Kabinetinin qərarına görə, pulsuz dərman Səhiyyə Nazirliyinin təsdiq etdiyi xüsusi formada olan resept nüsxəsində yazılır. Lakin xəstələrə pulsuz dərmanların verilməsində hələ də problemin olduğu ilə bağlı şikayətlər eşidilir.
-
Noyabrın 16-da paytaxtda hava tutqun olacaq, axşama doğru yağış yağa bilər. Səhər və axşam duman olacaq. Mülayim cənub-qərb küləyi şimal-qərb küləyinə keçəcək.
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
Rəy yaz