![Valideynlər övladlarının durumuna görə tibb məntəqəsinin həkimini təqsirli bilirlər](https://turan.az/resized/750/500/resize/media/2014/main/060300080399.jpg)
Valideynlər övladlarının durumuna görə tibb məntəqəsinin həkimini təqsirli bilirlər
Əsgər Nurlan Əliyevin valideynləri çərşənbə axşamı RATİ-də oğullarının durumu ilə bağlı mətbuat konfransı keçiriblər.
Əsgərin atası Polad Əliyev oğlunu 2014-cü ilin yanvarında Astara rayon hərbi komissarlığından tam sağlam vəziyyətdə hərbi xidmətə yola saldığını deyib. N.Əliyev öncə Gəncədə, fevralın sonlarından isə Gədəbəydəki hərbi hissələrin birində xidmətə davam edib. Aprelin 8-də övladına baş çəkməyə gedən P.Əliyev oğlunun sarılıq xəstəliyinə tutulduğunu, öskürdüyünü, qızdırmalı olduğunu görüb.
Buna baxmayaraq, ata övladına hər-hansı tibbi yardım göstərilmədyini iddia edib. “Oğlum dəfələrlə komandirə xəstə olması haqda müraciət etsə də, tibbi məntəqənin həkimi Qafar adlı şəxs əsgərə heç bir xəstəliyi olmadığını deyərək “pozisiyaya” göndərib”, - deyə P.Əliyev oğlunun səhhətinin ağırlaşmasına görə Qafar adlı həkimi təqsirli bilib.
P.Əliyev hərbi hissə rəhbərliyi ilə uzun danışıqlardan sonra övladının may ayının əvvəlində Gəncə hospitalında yoxlanmasına nail olub. Həm də burada N.Əliyevin Hepatit B xəstəliyinə tutulduğu üzə çıxır. Bundan sonra müalicə üçün Bakıya mərkəzi hospitala göndərilir. Hazırda hospitlaın infeksiya bölməsində müalicə alır.
Valideynlər N.Əliyevin müayinəsinin nəticələri barədə həkimlərin onlara məlumat verməməsindən narazılıq ediblər. Həm də bir aydır ki müalicə getməsinə baxmayaraq, N.Əliyevin səhhətində sağalmağa doğru irəliləyiş yoxdur.
Bu isə valideynləri narahat edir. P.Əliyev oğlunu paytaxt klinikalarının birində müalicə etdirmək istəsə də, buna razılıq vermirlər. Əsgərin həddən artıq öskürməsilə bağlı Vüsal adlı həkimə müraciət edəndə həkim bunu N.Əliyevin siqaret çəkməsilə izah edib. N.Əliyeivin valideynləri isə övladlarının siqaret çəkmədiyini deyiblər. Beləliklə, müalicənin düzgün istiqamətdə getməsini şübhə altına alıblar.
Əsgərin anası Sevda Əliyeva isə oğlunu müalicə edən həkimlərə xəbərdarlıq edib. “Əgər oğlumun başına bir iş gəlsə, ondan sonra yaşamaq istəmirəm, elə hospitalın önündə özümü yandıracağam”, - deyə atacağı addımı nəzərə çatdırıb.
S.Əliyeva övladının səhhətinin indiki hala düşməsinə səbəb kimi hərbi hissədəki baxımsızlığı, nəzarətsilziyi, bəzi hərbi qulluqçuların kobud davranışlarını göstərib. Son olaraq, valideynlər övladlarının vəziyyəti ilə bağlı dövlət başçısına müraciət ediblər.
Səslənən ittihamlara cavab almaq və xəstə əsgərin vəziyyətini öyrənmək üçün mərkəzi hospitala zəng etsək də, 541 13 13 nömrəli telefona cavab verən şəxs infeksiya şöbəsində şəhər telefonu olmadığını, yalnız daxili telefon olduğunu bildirib. -05C-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz