![Vəkil 1 saylı təcridxanada qanunsuz axtarışa məruz qaldığını bildirib](https://turan.az/resized/750/500/resize/media/2016/main/060900158599.jpg)
Vəkil 1 saylı təcridxanada qanunsuz axtarışa məruz qaldığını bildirib
Vəkil Elçin Sadıqov ötən gün gənc fəallar Bayram Məmmədov və Qiyas İbrahimova baş çəkməyə gedərkən 1 saylı təcrədxanada axtarışa məruz qalıb.
Vəkil müttəhimlərlə görüşündən əvvəl və sonra yoxlanılıb. “Bu, qadağan edilmiş əşyaların olub-olmadığını yoxlamaq deyildi. Axtarışda məqsəd vəkilin işlərinə müdaxilə etməkdir. Çünki çıxışda müttəhimlərlə görüşüm zamanı apardığım qeydlərə baxdılar. Bununla da Məmmədov və Bayramovun müdafiə hüquqları pozulub”, - E.Sadıqov özünün Facebook səhifəsində yazıb.
Vəkilin sözlərinə görə, gənclər gümrahdır və dəstəyə görə tərəfdaşlarına təşəkkür edirlər. Onun sözlərinə görə, işgəncə xəsarətləri artıq sağalır.
Fəallar onların hüquqlarının Avropa məhkəməsində müdafiəsi üçün Elçin Sadıqova və Zibeydə Sadıqovaya vəkalətnamə veriblər.
* Bayram Məmmədov və Qiyas İbrahimov mayın 10-da Heydər Əliyevin abidəsinin üzərinə siyasi şüarlar yazdıqdan sonra saxlanılıblar.
Lakin onlara qarşı külli miqdarda narkotik maddənin qanunsuz dövriyyəsi ittihamı irəli sürülüb.
Gənclər ittihamları qəbul etməyərək bildiriblər ki, həbsin əsl səbəbi abidənin üzərini yazmalarıdır.
B.Məmmədov və Q.İbrahimov polis məntəqələrində saxlandıqları zaman işgəncələrə məruz qaldıqlarını bildiriblər. Amnesty International təşkilatı onları “vicdan məhbusu” kimi tanıyıb.–06D--
-
- İqtisadiyyat
- 9 İyun 2016 15:00
-
- Siyasət
- 9 İyun 2016 16:09
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz