Analitik Samvel Babayanın iştirakı ilə «xilaskar» əməliyyatı barədə

Samvel Babayanın Qarabağa gözlənilmədən və qalmaqallı qayıdışının arxasında onun Ermənistan prezidenti Serj Sarkisyanla razılaşması durur. Bu barədə analitik Saro Saroyan Armİnfo-ya bildirib.

“İstənilən halda mənə belə gəlir ki, Babayan Ermənistan ali rəhbərliyinin razılaşması nəticəsində Qarabağa qayıdıb. Təsadüfü deyil ki, Babayanın qayıdışı vaxtilə onu Qarabağdan çıxaran Artur Ağabekyanın istefasından bir neçə gün sonra baş verib”, - analitik qeyd edib.

Babayanın Qarabağa göndərilməsində məqsəd Sarkisyanın hazırda həll edə bilmədiyi bəzi ciddi məsələləri həll etmək istəyidir. Belə ki, Qarabağda prezident seçkiləri, “konstitusiya islahatları” və hərbi komandanlığın dəyişdirilməsi olacaq. Belə ki, aprel döyüşlərindən sonra  bu, olduqca ciddi amilə çevrilib. Babayanın iştirakı ilə “xilaskar” əməliyyatı məhz bu problemlərin həllinə yönəlib.

Babayandan qorxu hissi, onun komandan postuna qayıdışı ilə vəzifədən məhrum olmaq ehtimalları Qarabağ hərbi komandanlığını ayıltmağa və onu Serj Sarkisyanın nəzarətinə qaytarmağa yönəlib.

Eyni zamanda Babayanın gəlişi “prezident seçkiləri”ndə müstəqil namizədin irəli sürülməsi istəyini yatırmağa, müxalifətçi namizədin olmasına əngəl törətməyə, “konstitusiya” islahatları əleyhdarlarını susdurmağa yönəlib.

Bu vəziyyət Sarkisyana imkan verəcək ki, uzun müddət Qarabağda vəziyyətə nəzarət etsin və onu öz istədiyi kimi formalaşdırsın. Lakin bu onun fikrincə, buna baxmayaraq, gələcək siyasi prosesləri proqnozlaşdırmaq çox çətindir”, - analitik bildirib.02D-