Vəkil Cahangir Hacıyevin həyat yoldaşının həbsi ilə bağlı xəbərləri təkzib edir

Beynəlxalq Bankın keçmiş prezidenti Cahangir Hacıyevin həyat yoldaşı Zamirə Hacıyevanın həbs ediməsi ilə bağlı məlumatlar tam yalandır. Zamirə Hacıyeva həbs ediməyib, o, xaricdədir. Bu barədə Cahangir Hacıyevin vəkili Aqil Layıcov Turan-a bildirib.

Vəkil eyni zamanda Zamirə Hacıyeva barəsində həbs qətimkan tədbiri seçilməklə bağlı məhkəmənin qərarının olub-olmaması barədə məlumatsız olduğunu bildirib.

Xatırladaq ki, bir sıra KİV-lərdə, o cümlədən sosial şəbəkələrdə Zamirə Hacıyevanın həbs olunması barədə Nərimanov Rayon Məhkəməsində iyunun 1-də çıxarıldığı yazılıb. Onun həbsi barədə təqdimatın isə baş prokurorun müavini Rüstəm Usubov tərəfindən verildiyi bildirilir.

KİV-lər yazır ki, Zamirə Hacıyeva korrupsiyada – Beynəlxalq Bankdan sənəd təqdim etmədən kredit kartı götürməkdə və həmin kartdan müxtəlif postterminallar və internet ödənişlər vasitəsilə ümumilikdə 18 min manat pul çıxarmaqda ittiham olunub.

Bakının Nərimanov rayon Məhkəməsinin qərarı ilə 2015-ci il dekabrın 5-də Azərbaycan Beynəlxalq Bankının İdarə Heyətinin keçmiş sədri Cahangir Hacıyev barəsində həbs qətimkan tədbiri seçilib. O, Cinayət Məcəlləsinin 179-cu (mənimsəmə) və 308-ci (vəzifə səlahiyyətlərindən sui-istifadə etmə) maddələri ilə iittiham olunur. -03B-