“Fuad Əhmədlinin sağlamlıq durumunda problemlər var”, - vəkil Əsabəli Mustafayev dekabrın 13-də təcridxanada F.Əhmədli ilə görüşdükdən sonra Turan agentliyinə bildirib.
AXCP fəalı Fuad Əhmədli bu il avqustun 18-də həbs edilib. Ona qarşı Cinayət Məcəlləsinin 302.-ci (əməliyyat-axtarış fəaliyyəti haqda qanunvericiliyi pozmaq), 308.1-ci (vəzifə səlahiyyətlərindən sui-istifadə) ittihamları irəli sürülüb.
Baş Prokurorluq və Dövlət Təhlükəsizlik Xidmətinin birgə məlumatında deyilir ki, “Azərfon” MMC-də “Zənglər mərkəzi”ndə operator vəzifəsində işləyən Fuad Əhmədli abunəçilərə aid fərdi məlumatları, o cümlədən zəng tarixçələrindən çıxarışları, antenalar üzrə olduqları yerləri, qapalı məlumatları çıxarıb müəyyən adamlara ötürüb. F.Əhmədli həmçinin Fətullah Gülən şəbəkəsilə əlaqəli şəxs kimi təqdim olunub, yaşadığı evdən Gülənə aid vərəqələrin tapıldığı iddia olunub.
AXCP ittihamı qurama adlandırıb və partiyaya qarşı təzyiqin tərkib hissəsi oldsuğunu bildirib.
Vəkilin sözlərinə görə, F.Əhmədlinin ağ ciyərində və tənəffüs yollarında problemlər var: “O, hələ bir-iki il öncə bu problemlərlə bağlı əməliyyat olunub, mütəmadi müayinə edilməlidir”.
Ə.Mustafayev bundan irəli gələrək istintaqa iki vəsatətlə müraciət etdiyini deyib.
“Vəsatətlərim F.Əhmədlinin səhhətilə bağlı tibbi ekspertiza keçirilməsilə bağlıdır. Həm ekspertiza bu suala cavab verməlidir ki, F.Əhmədlinin bu durumda həbsdə saxlanması nə dərəcədə əsaslıdır. Çünki o, mütəmadi ağrılardan əziyyət çəkir, ixtisaslı müayinə aparılmalıdır, amma həbsxana şəraitində bu, mümkün deyil”, -vəkil qeyd edib.
Ə.Mustafayev bildirib ki, daha bir vəsatət F.Əhmədli saxlanılan zaman evlərindən götürülən əşyaların hələ də geriyə qaytarılmaması ilə bağlıdır. “Fuad Əhmədlinin atasının şəxsi kompüteri, nənəsinin pensiya kartı, Fuada aid tibbi sğorta sənədləri götürülüb və hələ də qaytarılmayıb. Bu sənədlər istintaq üçün hər hansı bir əhəmiyyət daşımadığı üçün geri qaytarılmalıdır. Hətta Fuada aid kompüter də geri qaytarılmalıdır, çünki bu müddət ərzində istintaqda qalması yetərlidir”, -o bildirib. -05B-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz