Vəkil hesab edir ki, özbaşına xərclər dövlət büdcəsini dağıdacaq
Noyabrın 26-da vəkil Əsabəli Mustafayev inzibati qaydada həbs edilərək Binəqədi təcridxanasında saxlanılan AXCP Gənclər Komitəsinin üzvü İslam Sahiboğlu ilə görüşüb.
Ə.Mustafayev özünün Facebook səhifəsində yazıb ki, fəal gümrahdır və dostlara salam söyləyir.
O, gəncin həbsini əsassız adlandırıb. Guya o, küçədə təhqiramiz ifadələr işlədib, polis əməkdaşı onu nizam-intizama çağırsa da gənc fəal tabe olmayıb. Bu, gənc fəalları həbs etmək üçün onlara qarşı irəli sürülən tipik ittihamdır.
Bazar ertəsi vəkil həbslə bağlı apellyasiya şikayəti verəcək. O işarə vurub ki, adətən belə həbslərlə bağlı Avropa Məhkəməsinə şikayətlər edilir, nəticədə də belə əsassiz həbslərə görə hökumət cərimə edilir. “Deyəsən, hökumət indiki və gələcək büdcələrdəki bütün avroları cəbhəçilərə xərcləmək istəyir”, - Ə.Mustafayev qeyd edib.
Xatırladaq ki, noyabrın 24-də AİHM inzibati həbslərlə əlaqədar Azərbaycandan altı şikayət üzrə hökumətə 78 min avro həcmində pul sanksiyası təyin edib. AİHM-də 6 ərizəçinin hüquqi nümayəndəsi vəkil Əsabəli Mustafayev olub.–06D--
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz