![Vəkil Rüfət Səfərovun müdafiəsinə görə təqib olunur](https://turan.az/resized/media/2016/main/102500172824-750-500-resize.webp)
Vəkil Rüfət Səfərovun müdafiəsinə görə təqib olunur
Baş prokurorun birinci müavini Rüstəm Usubov vəkil Bəhruz Bayramlının barəsində Vəkillər Kollegiyasına şikayət verib.
Vəkil hesab edir ki, prokurorluq onu Zərdab Rayon Prokurorluğunun keçmiş müstəntiqi, rüşvət almaqla bağlı uydurma ittiham ilə mühakimə olunan Rüfət Səfərovun müdafiəsi prosesindən kənarlaşdırmaq istəyir.
“Məhkəmə göstərdi ki, prokurorluğun Səfərovun günahı ilə bağlı sübutu yoxdur. Odur ki, prokurorluq Səfərovu müdafiədən məhrum etmək istəyir”, - vəkil Turan-a bildirib.
Xatırladaq ki, prokurorluğun şikayətinə Qubadlı rayon prokurorunun keçmiş köməkçisi Adil Məmmədovun müraciəti səbəb olub. Belə ki, A.Məmmədov vəkil B.Bayramlını onun R.Səfərovla əlaqələrinə görə prokurorluqdan çıxarmaları barədə mətbuata məlumat verməkdə ittiham edib.
A.Məmmədov bu cür yazıları gah təhqir, gah da böhtan sayaraq hakimiyyətə şikayət etmək qərarına gəlib. Halbuki, elə bu hakimiyyətin əlindən ABŞ-a qaçıb.
“Mən Adil Məmmədov haqda mətbuata heç nə deməmişəm. Bu barədə ilk dəfə Gunusesi.az saytı məlumat yayıb. Bu saytın rəhbərliyi bildirib ki, həmin informasiyanı məndən almayıb”, - vəkil qeyd edib.
9 il mühakimə olunmuş R.Səfərov da bununla bağlı Vəkillər Kollegiyasına müraciət yazaraq A.Məmmədovun ittihamlarını rədd edib.
Xatırladaq ki, R.Səfərov yanvar ayında həbs olunub və prokurorluq orqanlarındakı özbaşınalıq barədə bəyan etdikdən sonra bu ilin sentyabrında azadlıqdan məhrum edilib. O, işdən çıxarılıb və ona qarşı cinayət işi qaldırılıb. Məhkəmədə R.Səfərovun günahı sübuta yetirilməyib. Hüquq müdafiəçiləri onu siyasi məhbus hesab edirlər.
Turan-ın Baş Prokurorluğun mətbuat xidmətindən şərh almaq cəhdi nəticəsiz qalıb. -02D-
-
- İqtisadiyyat
- 25 Oktyabr 2016 13:34
-
- İqtisadiyyat
- 25 Oktyabr 2016 13:43
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz