Bakı/15.05.18/Turan: "Hələlik vəkillər nə qardaşım Saleh Rüstəmovla, nə də qardaşım oğlu Vidadi Rüstəmovla görüşə bilməyiblər", - S. Rüstəmovun qardaşı Taleh Rüstəmov Turan-a bildirib.
T.Rüstəmovun sözlərinə görə, hər iki yaxını 1 saylı Bakı İstintaq Təcridxanasında saxlanılır.
İşi aparan müstəntiqlər görüşə şərait yaradacaqları barədə vəkillərə vəd versələr də buna əməl etmirlər.
S.Rüstəmovun vəkili apellyasiya şikayəti verib və mayın 16-da saat 15.00-də Bakı Apellyasiya Məhkəməsində baxılacaq.
Xatırladaq ki, S.Rüstəmov 1992-93-cü illər Azərbaycan Xalq Cəbhəsi hakimiyyəti dönəmində Gədəbəy Rayon İcra Hakimiyyətinin başçısı olub. 1997-ci ildən Rusiyada yaşayır, Rusiya vətəndaşıdır və orada kiçik bizneslə məşğul olur.
Bu ilin mayında S.Rüstəmov qohumunun yas mərasimində iştirak etmək üçün Gədəbəyə gəlib, mayın 8-də yenidən Rusiyaya qayıtmaq üçün Bakıya gəlmək istəsə də Şəmkir yaxınlığındakı postda saxlanılıb, Bakıya gətirilib və burada Nərimanov Rayon Məhkəməsinin qərarı ilə Cinayət Məcəlləsinin 234.4.3-cü (külli miqdarda narkotika satışı) maddəsilə barəsində cinayət işi başlanılıb.
Elə həmin gün S.Rüstəmovun qardaşı oğlu V.Rüstəmov da saxlanılıb. Nərimanov Rayon Məhkməsi eyni maddə ilə onun barəsində də 4 aylıq həbs qərarı çıxarıb.--0--
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz