![Vəli Əsgərovun işi üzrə proses qapalı olacaq](https://turan.az/resized/750/500/resize/media/2016/main/060800158471.jpg)
Vəli Əsgərovun işi üzrə proses qapalı olacaq
İyunun 8-də Naxçıvan Hərbi Məhkəməsində bu gün Qasım Əliyevin sədrliyi ilə bu muxtar respublikanın keçmiş milli təhlükəsizlik naziri Vəli Ələsgərovun işi üzrə hazırlıq iclası keçirilib.
Sabiq nazirin vəkili Vüqar Xasayevin Turan-a verdiyi məlumata görə, müdafiə tərəfi iclasın təxirə salınması haqqında vəsatət qaldırıb, belə ki, vəkillərin iş materialları ilə tanış olmasına imkan verilməyib. Amma vəsatət təmin edilməyib. Məhkəmə prosesi 13 iyun saat 10:00-a təyin edilib. Proses qapalı olacaq.
Xatırladaq ki, Ələsgərov 15 il ərzində Naxçıvan MTN-in rəhbəri olub. O, 2015-ci ilin dekabrında gözlənilmədən vəzifədən azad edilib. Bundan sonra ona qarşı mənimsəmə, sui-istifadə və səlahiyyətlərini aşma ittihamları ilə cinayət işi açılıb. Bir müddət həbsdə saxladıqdan sonra Ələsgərovu ev dustaqlığına buraxıblar, amma o, mətbuata təqsirsiz olduğunu və həbs zamanı işgəncələr məruz qaldığını bildirdikdən sonra yenidən həbs ediblər. Ötən həftə vəkillər Ələsgərova qarşı yeni qanunsuz dinləmə ittihamı irəli sürüldüyünü bildiriblər, amma ətraflı məlumat verməyiblər.
Vəkil həmçinin bildirir ki, müdafiə tərəfi ittiham materiallarının surətini almayıb və proses başlayana qədər vəsatətləri hazırlaya bilməz. Bundan başqa, müdafiə tərəfi prosesdən əvvəl məhbusla görüşə bilməyib. -06B-
-
- İqtisadiyyat
- 8 İyun 2016 15:47
-
- Siyasət
- 8 İyun 2016 16:33
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz