![«BP-Azerbaijan» şirkətinə yeni vitse-prezident təyin olunub](https://turan.az/resized/750/500/resize/media/2016/main/060800158470.jpg)
«BP-Azerbaijan» şirkətinə yeni vitse-prezident təyin olunub
“BP-Azerbaijan” şirkətinin Səngəçal Terminalının meneceri Zaur Paşayev şirkətin Azərbaycan, Gürcüstan və Türkiyə regionunda qurudakı (midstream) əməliyyatlar üzrə vitse-prezidenti təyin olunub. Yeni vitse-prezident vəzifəsinin icrasına sentyabrın 1-dən başlayacaq.
“BP-Azerbaijan” şirkətindən verilən məlumata görə, Paşayev BP-nin Qlobal Əməliyyatlar Təşkilatının (upstream üzrə), həmçinin BP-nin Azərbaycan, Gürcüstan və Türkiyə regionu üzrə rəhbər qrupunun üzvü olmaqla region üzrə qurudakı (midstream) əməliyyatların təhlükəsiz, etibarlı və səmərəli icrasına cavabdeh olacaq: “Zaur Paşayev bu vəzifədə BP-nin digər regiondakı biznesində texniki təhlükəsizlik və əməliyyat riski üzrə vitse-prezident təyin olunmuş Kreq Uiqqzi əvəz edəcək ki, bu da BP-nin kadrların milliləşdirilməsi planına uyğundur”.
BP-də çalışdığı 18 il ərzində Z.Paşayev dənizdə və qurudakı əməliyyatlar sahəsində dərin təcrübə qazanıb. Səngəçal Terminalının meneceri vəzifəsindən əvvəl o, dənizdə “Şahdəniz” və “Çıraq” platformalarının meneceri, ondan əvvəl isə ixrac boru kəmərləri üzrə müxtəlif rəhbər vəzifələrdə işləyib.
Paşayev Azərbaycan Neft Akademiyasını fərqlənmə diplomu ilə bitirib və mexanika mühəndisliyi sahəsində bakalavr dərəcəsi alıb. 2011-ci ildə o, ABŞ-ın Boston şəhərində yerləşən Massaçusets Texnologiya İnsitutunda BP-nin Əməliyyatlar Akademiyasını bitirib. 2011-ci ildə Azərbaycanda neft və qaz sənayesinin inkişafına töhfəsinə görə Azərbaycan Prezidenti tərəfindən “Tərəqqi” medalına layiq görülüb. Evlidir, üç övladı var.
Turan xatırladır ki, “BP-Azerbaijan” şirkətində çalışan 4 vitse-prezident artıq Azərbaycan vətəndaşıdır. Zaur fəaliyyətə başlayandan sonra onların sayı beşə çatacaq. –12D--
-
- İqtisadiyyat
- 8 İyun 2016 14:55
-
- Cəmiyyət
- 8 İyun 2016 15:55
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz