Tarixçi-alim, professor Şövkət xanım Tağıyeva cümə axşamı 89 yaşında dünyasını dəyişib. Bu xəbər Turan-a Müsavat Partiyasından məlum olub.
Ş.Tağıyeva XX əsrin sonlarındakı Azərbaycan milli-azadlıq hərəkatının görkəmli nümayəndələrindən biri kimi tədim edilir. Onun Müsavat Partiyası Bərpa Mərkəzinin, partiyanın Məclis və Divan üzvü, azadlıq hərəkatın lideri Əbülfəz Elçibəyin yaxın silahdaşı olduğu xatırladılır.
Ş.Tağıyeva 1926-cı ildə anadan olub. Azərbaycan Dövlət Universitetinin şərqşünaslıq fakultəsini bitirib. Tarix elmləri doktoru, professor səviyyəsinə kimi yüksəlib.
Azərbaycan Milli Elmlər Akademiyasında (AMEA) uzun illər şərqşünaslıq İnstitutunun aparıcı elmi işçisi kimi fəaliyyət göstərib. Elmi fəaliyyətinə İranda, o cümlədən Güney Azərbaycanda milli-azadlıq hərəkatları tarixi üzrə tədqiqatlarla başlayıb. Moskvada namizədlik dissertasiyası müdafiə edib, bu sahədə 2 monoqrafiya çap edib. Onun 50-dən çox məqaləsi Azərbaycanda, 16 məqaləsi Sovetlər Birliyində, Polşa, Türkiyə, Kanada və İranda çap edilib.
Ş.Tağıyeva “XIX əsrin sonu və XX əsrin əvvəlləri İranda aqrar münasibətlər” adlı doktorluq disertasiyasını 1967-ci ildə Bakıda müdafiə edib.
Güneyazərbaycanşünaslıq elmi məktəbinin yaradıcısı kimi tanınan Ş.Tağıyeva 1976-1991-ci illərdə AMEADA “Cənubi Azərbaycan tarixi” şöbəsinin yaradıcısı və rəhbəri olub. “Güney Azərbaycan tarixi”nin III cildliyini hazırlayıb. Güney Azərbaycanının XIX-XX yüzilliklər tarixinə aid araşdırmaları haqda materiallar ali və orta məktəblər üçün hazırlanan “Azərbaycan tarixi” dərsliklərinin Cənubi Azərbaycana aid fəsillərinə daxil edilib.
Son olaraq, müəlliflər Ş.Tağıyevanın vəfatından kədərləndiyini bildirir, mərhumun ailəsinə, yaxınlarına və əqidədaşlarına dərin hüznlə başsağlığı verir. -05D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz