Mayda fond bazarının birjadankənar seqmentində son 20 ayda ən iri əqd bağlanılıb.
Milli Depozit Mərkəzinin məlumatına görə, mayda birjadankənar səhm bazarının həcmi 43 əqd üzrə 52 mln 880 min manat olub. Bakı Fond Birjasının məlumatına görə, ötən ay qiymətli kağızların birjadankənar dövriyyəsi 50,6 mln manat təşkil edib. Bunun 50 mln 80 mini maliyyə şirkətlərinin payına düşür. QKDK-nın tələblərinə baxmayaraq, BFB konkret ad çəkmir. MDM və BFB-nin QK-ın birjadankənar dövriyyəsi barədə məlumatlarında fərq depozitara informasiyanın verildiyi vaxtla bağlıdır.
Bu ilin yanvar-mayında birjadankənar QK dövriyyəsi 58 mln 110 manat olub. Bu, 2014-cü ilin 5 ayındakından (9,9 mln manat) 5,8 dəfə çoxdur. Maraqlıdır ki, bu dövrdə BFB-da 2 mln 153,7 min manat məbləğində təkrar səhm dövriyyəsi olub.
MDM-in məlumatına görə, 5 ayda Azərbaycanda 222,1 mln manat məbləğində qiymətli kağızlar yerləşdirilib. Bu, 2014-cü ilin eyni dövründəkindən 1 mlrd 931 mln manat azdır.
2013-cü ilin oktyabrında birjadankənar bazarda dövriyyə 69,6 mln manat olub. Sonradan məluma olub ki, bunlar “Bank Technique”nın səhmləri olub. Yerli “World Vines” şirkəti səhmlərin 75%-i Lüksemburqun “Beaufort Investissements” şirkətinə satıb. Bu şirkətin rəhbəri həmin ölkənin vətəndaşı olan Frederik Leklerkqdir. 08B
İqtisadiyyat
-
Dövlət Gömrük Komitəsinin məlumatına görə, bu ilin ilk on bir ayı ərzində Azərbaycan dəmir yolu ilə 6,96 milyon ton yük daşımış və bu yüklərin dəyəri 3,01 milyard dollar təşkil etmişdir. Bu, 2023-cü ilin eyni dövrü ilə müqayisədə həcm baxımından 4%, dəyər baxımından isə 10,1% azalma deməkdir.
-
Azərbaycan Respublikasının Nazirlər Kabineti ölkənin rəqabət qanunvericiliyi çərçivəsində sazişlərin təsdiqlənməsini tənzimləyən qaydalar qəbul edib. Bu addım hüquqi çərçivəyə uyğunluğu artırmaq və bazar şəffaflığını gücləndirmək məqsədi daşıyır.
-
Erməni işğalından azad edilmiş ərazilərin bərpası ilə bağlı Azərbaycanın ambisiyalı proqramı geniş şəkildə bir mənbədən satınalma metodlarından istifadə edilməsi səbəbindən diqqət çəkir və şəffaflıq və korrupsiya ilə bağlı narahatlıqlar yaradır.
-
Azərbaycan 2024-cü ilin yanvar-noyabr ayları ərzində buğda idxalının 2023-cü ilin eyni dövrü ilə müqayisədə 2% artdığını qeydə alıb ki, bu da daxili tələbatı ödəmək üçün xarici mənbələrdən asılılığın davam etdiyini göstərir. Bu artım, 2024-cü ildə daxili buğda istehsalının 148,100 ton azalması fonunda baş verir və idxal tədarükünə olan ehtiyacı daha da artırır.
Rəy yaz