Bakıda Four Seasons otelində xaricdə təhsil almış məzunların “Azərbaycanda təhsilin inkişafı naminə beynəlxalq təcrübəyə əsaslanan yeni yanaşmaların təklif olunması: mövcud vəziyyət və innovativ təkliflər” mövzusunda 3-cü təhsil forumu işinə başlayıb.
Forumu ABŞ Təhsilli Azərbaycan Məzunları İctimai Birliyi, Müasir Təhsil və Tədrisə Yardım Mərkəzi, Azərbaycan Dillər Universiteti, Bakı Amerika Mərkəzi, Azərbaycan Neft Mühəndisləri İctimai Birliyinin təşkilatçılığı və Təhsil Nazirliyinin dəstəyi ilə təşkil olunub.
Azərbaycan Dillər Universitetinin rektoru Səməd Seyidov bildirib ki, təhsil nazirinin səyi nəticəsində Amerika universitetlərinə tələbələr göndərilir. “İndi yüzlərlə azərbaycanlı tələbə Amerikada təhsil alır. Dillər Universitetində Amerika Mərkəzi fəaliyyət göstərir. İndi Amerikada Azərbaycanda təhsil almış amerikalıların təhsil assosiasiyasının təsis edilməsinin vaxtıdır. Mən bu assosiasiyada təmsil olunmaq üçün Azərbaycan Dillər Universitetində təhsil almış 80 amerikalının adını təqdim edə bilərəm”,- o qeyd edib.
Çıxışlarda Azərbaycan;n təhsil sistemində islahatların dərinləşdiyi və Amerika təhsil sisteminə yaxınlaşdığı qeyd edilib.
“Xaricdə mütərəqqi sistemdə təhsil almış şəxslər yalnız bilik və bacarıqlara yiyələnmir, həm də layiqli vətəndaşa çevrilir. Bu baxımdan xarici ölkələrdə təhsil alan şəxslərin ölkədə təhsil islahatlarına töhfə verməsi sevindirici haldır” - təhsil naziri Mikayıl Cabbarovun çıxışında bildirilib. Nazirin çıxışını Təhsil Nazirliyinin əməkdaşı Emin Əmurullayev təqdim edib.
ABŞ-ın Azərbaycandakı səfiri Riçard Morninqstar ölkənin təhsil sistemində islahatların dəstəkləndiyini bildirib. Səfir nazir Cabbarovun fəaliyyətini xüsusi vurğulayıb. “Nazir həftədə 7 gün, gündə 24 saat işləyir ki, mövcud vəziyyəti dəyişsin. İnsanlar həqiqətən başa düşürlər ki, xaricdə təhsil alanların böyük bir potensialı var və onlar təhsildə dəyişiklik etməyə qadirdir. Təhsil hər bir şəxsin inkişafı üçün qapılar açır. Nazir Mikayıl Cabbarov Azərbaycanda yeni təhsil sisteminin formalaşması, strategiyanın işlənməsi üçün çalışan insanlardan biridir. Biz bu imkanları dəyərləndiririk. ABŞ-da təhsil alan tələbələrin dəstəyi sayəsində böyük işlər görülür”, - o qeyd edib.
Morninqstar deyib ki, ABŞ-da təhsil almış 5 000 məzun Azərbaycanda mühüm işlər görür. Onun fikrincə, təhsil proqramları ölkələrin yaxınlaşması baxımından çox mühümdür. “Bu proqramlar təhsil sistemləri arasında əlaqələri inkişaf etdirir, ölkələr arasında məlumatlılığı artırır. Təhsil ölkələr arasında əlaqələrin qurulmasında mühüm rol oynayır”, - səfir bildirib.
Riçard Morninqstar jurnalistlərlə söhbətində də deyib ki, Amerika səfirliyi Azərbaycanda yeni təhsil strategiyası istiqamətində fəaliyyətlərə dəstəyini göstərəcək.-03C-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz