Jurnalist Xədicə İsmayıl bu gün Milli Məclisdə siyasi məhbuslarla bağlı işçi qrupun fəaliyyətinin bərpası iclasına buraxılmayıb.
O, Turan-a bildirib ki, iclasa dəvət alsa da, lakin içəri buraxılmayıb.
“Mənə dedilər ki, adınız siyahıda yoxdur. Prezident Aparatına zəng vurdum, dedilər ola bilməz. Sonra Prezident Administrasiyasından Vüqar Əliyev təkrar zəng edərək dedi ki, orada iştirakıma etiraz ediblər”, - X.İsmayıl bildirib.
“Düşünmürdüm ki, onlar dialoqa hazır olmadıqlarını belə tezliklə büruzə versinlər”, -o vurğulayıb.
X. İsmayıl həmçinin deyib ki, siyasi məhbusların alternativ siyahısı ilə bağlı iş davam edir. Oktyabrın sonlarında siyahı barədə dəqiq məlumat veriləcək.
Siyasi məhbuslar üzrə işçi qrupu Avropa Şurasının baş katibi Thorbjørn Jagland-ın təklifi ilə fəaliyyətini bərpa edir. Hökumət və vətəndaş cəmiyyəti nümayəndələrindən ibarət bu qrup 2003-cü ildə təsis edilib və 2008-ci ilə qədər fəaliyyət göstərib.-16B-
Cəmiyyət
-
Son zamanlar Azərbaycanda plastik əməliyyatları həyata keçirən bəzi həkimlərin buna səlahiyyətlərinin olmaması ilə bağlı məsələlər geniş müzakirə olunur. Ayrı-ayrı məlumatlara görə, bu sahədə bir sıra həkimlərin heç müvafiq diplomu belə yoxdur. Həmin məlumatlarda iddia edilir ki, saxta həkim diplomları ilə fəaliyyət göstərən bəzi şəxslər müxtəlif klinikalarda çalışır.
-
Elon Mask, texnologiya milyarderi və X (əvvəlki adıyla Twitter) platformasının sahibi, dövlət rəsmilərinin mental hazırlığı ilə bağlı debatları yenidən gündəmə gətirərək vəzifə sahibləri üçün zəka testlərinin keçirilməsini təklif edib. Musk-ın bu təklifi, 81 yaşlı ABŞ konqresmeni Key Qrencerin küçədə azaraq sonradan demensiya xəstələri üçün nəzərdə tutulmuş qocalar evinə yerləşdirilməsindən sonra irəli sürülüb.
-
Dekabrın 22-də "Keşlə bazar"ında fəaliyyət göstərən satıcılar etiraz aksiyası keçiriblər. Onlar yanvarın 1-dən bazarın bağlanmasına etiraz ediblər.
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
Rəy yaz