Xədicə İsmayılovanın Azərbaycandan çıxışına qadağa qoyulub
Martın 14-də Bakı şəhəri poilis Baş İdarəsinin müstəntiqi ilə görüşdən sonra tanınmış jurnalist, “Toplum” telekanalının baş redaktoru Xədicə İsmayılovanın Azərbaycandan çıxışına qadağa qoyulub.
Bu barədə Xədicə İsmayılova “Turan”a danışıb.
“Toplum TV-nin jurnalistləri barəsində qaldırılan cinayət işi üzrə müstəntiqə ifadə verməkdən imtina etdim. Mən özüm polisin çağırışı ilə Baş İdarəyə gəldim. Sualları müstəntiq Hacıbala Hacıyev verirdi. Sonra məni buraxdılar və bir daha zəng etmədilər. Sonra bildim ki, ölkədən çıxışıma qadağa qoyulub”, - İsmayılova “Turan” agentliyinə bildirib.
Həmin gün Xədicə İsmayılova Konstitusiyanı əsas gətirərək, Toplum TV-nin jurnalistləri ilə bağlı qaçaqmalçılıq işi ilə bağlı polisə ifadə verməkdən imtina edib.
Bakı şəhər Baş Polis İdarəsində üç saat qaldıqdan sonra o, sərbəst buraxılıb.
“Mənə bu hüququ Azərbaycan Konstitusiyasının 66-cı maddəsi və Cinayət-Prosessual Məcəlləsi verir. Sonradan mənə qarşı istifadə olunmayacağına əmin olmadığım üçün ifadə verməmək qərarına gəldim. Mən istintaq orqanının qərəzliliyini hiss etdim və buna görə də ifadə verməmək üçün konstitusion hüququmdan istifadə etdim”, - İsmayılova bildirib.
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz