![Xədicə İsmayılovaya ad günündə anasını qucaqlamağa icazə veriblər](https://turan.az/resized/750/500/resize/media/2015/main/052700117342.jpg)
Xədicə İsmayılovaya ad günündə anasını qucaqlamağa icazə veriblər
Bu gün həbsdə olan jurnalist Xədicə İsmayılovanın ad günüdür.
O, 39 yaşını Bakı İstintaq Təcridxanasında qeyd edir. Anası və digər yaxınları Xədicəni təbrik etmək üçün təcridxanaya gəliblər.
“Amerikanın Səsi”nə müsahibəsində jurnalistin anası Elmira xanım bildirib ki, Xədicənin təqsirsiz olduğundan əmindir. “Mən istərdim ki, ad gününü birlikdə evdə keçirək. Amma o, ad günlərini evdə keçirməyi xoşlamırdı”, deyə Elmira İsmayılova bildirib.
Onun sözlərinə görə, o, qızı üçün çox darıxır. Xədicəyə ən böyük hədiyyə isti ana qucağı olacaq.
“Qızım qorxmadan araşdırmalar apardığına görə həbsxanadadır. Ola bilər ki, buna görə mən çox həyəcan keçirmirəm”, deyə Elmira İsmayılova bildirib.
“Azərbaycan hakimiyyətinə deyəcək sözüm yoxdur, amma beynəlxalq ictimaiyyətə təşəkkür edirəm. Onlar Xədicəyə yazıları ilə çox kömək etdilər”, deyə jurnalistin anası bildirib. O, ABŞ-da hazırlanmış və Nyu-Yokr Universitetindən göndərilmiş üzərində Xədicənin adı yazılan qolbaqları göstərib.
* Xədicə İsmayılova 2014-cü il dekabrın 5-də uydurma özünü öldürmə həddinə çatdırma ittihamı ilə həbs edilib. 2015-ci il fevralın 13-də prokurorluq ona qarşı başqa ittihamlar irəli sürüb: böyük ölçüdə mənimsəmə, qanunsuz sahibkarlıq və vəzifə səlahiyyətlərindən sui-istifadə. Lakin həbsin əsl səbəbi dövlət başçısının ailəsinin biznesini araşdırmasıdır.
Amnesty İnternational jurnalisti vicdan məhbusu elan edib. -16/03B04-
-
- İqtisadiyyat
- 27 May 2015 17:19
-
- Söz istəyirəm
- 27 May 2015 18:47
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz