KİV Abid Şərifovun var-dövlətini açıqlayıb

www.meydan.tv internet resursu “Abid Şərifov, xəyali “Alabala” və gerçək “EVRASCON” adlı jurnalist araşdırmasını dərc edib. Burda sənədlər əsasında baş nazir müavininin var-dövlətinin bir hissəsi göstərilib.

Məqalədə deyilir ki, Abid Şərifovun həyat yoldaşı Sədayə Yaqub qızı “EVRASCON” ASC-nin səhmlərinin 12,15 faizinə sahibdir. 2012-ci ilin nəticələrinə görə, söhbət Şərifovlara məxsus səhmlərin təxminən 14,5 milyon manat həcmində kapitallaşmadan gedir. Əsas hissəsi dövlət büdcəsindən maliyyələşən podrat işlərinin həcminə istinadən hesab edilir ki, şirkət Şərifovun himayəsindən isifadə edir.

Habelə bildirilir ki, Bakıdakı “Optimed” klinikası Abid Şərifovun kürəkəni, Ədliyyə Naziriliyinin Penitensiar Xidmətinin 16 nömrəli cəzaçəkmə müəsisəsinin rəisi vəzifəsini daşıyan Məmməd Mahmudova məxsusdur. Şəkidəki müasir və dəbdəbəli "Şəki Parkı" adlanan istirahət mərkəzinin Şərifovlara aid olduğu bildirilir. Baş nazir müavinin oğlu Elçin Abid oğlu Şərifov “Azərbaycan Beynəlxalq Bankı” ASC-nin Abşeron filialına rəhbərlik edir.

“2005-ci ilə kimi “Azərnəqliyyatbank” ASC-nin səhmdarları sırasında Şərifovlar ailəsinin bütün üzvləri təmsil olunurdu.  Sonradan bu bank hakim ailəyə məxsus olduğu bildirilən “ADOR” və “Azenco Group” şirkətlərinin nəzarəti altına keçdi”, deyə məqalədə qeyd edilir. 08D